Jambıl oblısındağı joyqın jarılıstan äskeri bölimniñ tağı bir äskeri qızmetşisiniñ qaza tapqanı belgili boldı. Bwl turalı Qorğanıs ministrligi habarladı. 

"Ol - ört söndiru komandasınıñ bastığı kelisim-şart qızmetiniñ starşinası Erkin Erikbaywlı Nädirbekov. 1992 jılı tuğan, injenerlik oq-däriler qoymasındağı örtti söndiru jwmısın tikeley basqarğan. Jarılıs kezinde oqiğa ornında köz jwmdı. Ol 27 tamız küni tañerteñ habarsız ketken äskeri qızmetşiler tiziminde bolatın" delingen vedomstvo habarlamasında.

Osılayşa, jarılıstan qaza bolğandar sanı 5 adamğa jetti. Qorğanıs ministrligi 27 tamız tañerteñ 4 adamnıñ köz jwmğanın habarlağan. Olar:

  • Serjant Meşinbay Marat Saylauwlı, 40 jasta;
  • Efreytor Janbolatov Ruslan Jürsinbaywlı, 40 jasta;
  • Äskeri küzet qızmetkeri Dalibaev Orazbek Dayrabekwlı, 52 jasta;
  • Oñtüstik öñirdiñ äskeri prokurorı Arman Qapezov.

Bwdan bölek, joyqın jarılıstan keyin auruhanağa jetkizilgen 66 adamnıñ 28 emdelip jatır. Onıñ altauınıñ jağdayı auır hälde. Qorğanıs ministrliginiñ mälimetinşe, iz-tüssiz joğalğandar da bar.

The Qazaq Times