جامبىل وبلىسىنداعى جويقىن جارىلىستان اسكەري ءبولىمنىڭ تاعى ءبىر اسكەري قىزمەتشىسىنىڭ قازا تاپقانى بەلگىلى بولدى. بۇل تۋرالى قورعانىس مينيسترلىگى حابارلادى.
"ول - ءورت ءسوندىرۋ كومانداسىنىڭ باستىعى كەلىسىم-شارت قىزمەتىنىڭ ستارشيناسى ەركىن ەرىكبايۇلى نادىربەكوۆ. 1992 جىلى تۋعان، ينجەنەرلىك وق-دارىلەر قويماسىنداعى ءورتتى ءسوندىرۋ جۇمىسىن تىكەلەي باسقارعان. جارىلىس كەزىندە وقيعا ورنىندا كوز جۇمدى. ول 27 تامىز كۇنى تاڭەرتەڭ حابارسىز كەتكەن اسكەري قىزمەتشىلەر تىزىمىندە بولاتىن" دەلىنگەن ۆەدومستۆو حابارلاماسىندا.
وسىلايشا، جارىلىستان قازا بولعاندار سانى 5 ادامعا جەتتى. قورعانىس مينيسترلىگى 27 تامىز تاڭەرتەڭ 4 ادامنىڭ كوز جۇمعانىن حابارلاعان. ولار:
- سەرجانت مەشىنباي مارات سايلاۋۇلى، 40 جاستا;
- ەفرەيتور جانبولاتوۆ رۋسلان ءجۇرسىنبايۇلى، 40 جاستا;
- اسكەري كۇزەت قىزمەتكەرى داليباەۆ ورازبەك دايرابەكۇلى، 52 جاستا;
- وڭتۇستىك ءوڭىردىڭ اسكەري پروكۋرورى ارمان قاپەزوۆ.
بۇدان بولەك، جويقىن جارىلىستان كەيىن اۋرۋحاناعا جەتكىزىلگەن 66 ادامنىڭ 28 ەمدەلىپ جاتىر. ونىڭ التاۋىنىڭ جاعدايى اۋىر حالدە. قورعانىس مينيسترلىگىنىڭ مالىمەتىنشە، ءىز-ءتۇسسىز جوعالعاندار دا بار.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟