Keşe, 23 tamız küni Şımkenttegi Eñbekşi audandıq policiya basqarması Orınbaev atındağı giperbariyalıq oksigenaciya ortalığında qaytıs bolaranıñ aldında "ottegi jetpey jatqanın" jazıp ketken er adamnıñ hatına baylanıstı qılmıstıq is qozğadı. Bwl turalı qalalıq policiya departamentiniñ mälimetine süyengen Azattıq radiosı habarladı. 

22 tamız keşke Instagram jelisinde ortalıqta koronavirustan qaytıs bolğan Baq esimdi adamnıñ hatın jariyalanğan. Hatta ol özine ottegi jetpey jatqanın, ottegini jii öşiretinin jäne ölip qaluı mümkin ekenin jazıp, basqa jerge almastırudı swraydı.

Azattıq mälimetinşe, marqwmnıñ hatın jariyalağan paraqşa jürgizuşisi  hattı atı-jönin jariyalaudı qalamaytın ortalıq qızmetkeri jibergenin aytqan. Hat marqwmnıñ tuısqandarına jetpegen.

Beyresmi mälimetterge qarağanda, ortalıqta hattıñ iesi boluı mümkin degen adam qaytıs bolğan. Onıñ otbasında üş adam koronavirus jwqtırıp, ortalıqqa tüsken. Tuıstarı marqwmnıñ jerlengenin aytqan.

Şımkent qalalıq densaulıq saqtau basqarması bwl hattıñ ortalıqtan şaqqanın rastay da almaydı, joqqa da şığarmaydı. Ortalıqtıñ bas därigeri Madina Ermahanbetova ottegi tolıq jetetinin, ottegi jetispeuşiliginen qaytıs bolğan adam joq ekenin aytadı.

Dese de policiya äleumettik jelide tarap ketken hatqa baylanıstı Qılmıstıq kodekstiñ "Medicina nemese farmacevtika jwmıskeriniñ käsiptik mindetterin tiisinşe orındamauı" (317-bap) babımen qılmıstıq is qozğalğanın, tergeu amaldarı bastalğanın habarladı.

The Qazaq Times