Auğanstandağı tälipter. Foto: news18.com.

"Taliban" qozğalısı Panjşer şatqalın qorğap jatqan qarulı küşterdiñ jetekşisi, bwrınğa tanımal dala qolbasşısı Ahmad Şah Masudtıñ wlı Ahmad Masudqa talap qoydı. Olar Masudqa jaqtastarımen birge qaruın tastau üşin tört sağat uaqıt berdi. Kelispegen jağdayda jazağa tartpaq. 

Ahmad Masud Auğanstanda bilik tälipterge ötken soñ ölispey berispeytinin mälimdegen.  Ol täliptermen kelissözge otırıp, mämilege keluge dayın ekenin añğartqan edi. Masud tälipterdi qatıstıra otırıp, ükimet qwruğa şaqırdı. Tälipter dialogtan bas tartsa, soğıs bolatının ayttı.

Reuters agenttigine telefonmen bergen swqbatında Ahmad Masud täliptermen beybit kelissöz ötedi dep ümittenetinin, degenmen özine qaraytın qarulı küş wrısqa dayın ekenin bildirdi.

Panjşer şatqalı — Auğanstannıñ tälipter baqılauına ötpegen soñğı aymağınıñ biri. Bwl öñir halqınıñ basım köpşiligi etnikalıq täjikter.

15 tamızda Kabuldı soğıssız alğan tälipter "Auğanstannıñ bükil aumağın baqılauğa aldıq, soğıs ayaqtaldı, Auğanstan islam ämirligi qwrıladı" dep jar salğan. Prezident Aşraf Ğani Auğanstannan şığıp ketken. Al Ahmad Masud pen Auğanstannıñ vice-prezidenti Ämirolla Salih Panjşer şatqalında qarsılasu küşterin jinaytının habarlağan. Oğan täliptermen jwmıs isteskendi qalamaytın bwrınğı auğan ükimetiniñ jasaqtarı qosılğan.

The Qazaq Times