"تاليبان" قوزعالىسى پانجشەر شاتقالىن قورعاپ جاتقان قارۋلى كۇشتەردىڭ جەتەكشىسى، بۇرىنعا تانىمال دالا قولباسشىسى احماد شاح ماسۋدتىڭ ۇلى احماد ماسۋدقا تالاپ قويدى. ولار ماسۋدقا جاقتاستارىمەن بىرگە قارۋىن تاستاۋ ءۇشىن ءتورت ساعات ۋاقىت بەردى. كەلىسپەگەن جاعدايدا جازاعا تارتپاق.
احماد ماسۋد اۋعانستاندا بيلىك تالىپتەرگە وتكەن سوڭ ولىسپەي بەرىسپەيتىنىن مالىمدەگەن. ول تالىپتەرمەن كەلىسسوزگە وتىرىپ، مامىلەگە كەلۋگە دايىن ەكەنىن اڭعارتقان ەدى. ماسۋد تالىپتەردى قاتىستىرا وتىرىپ، ۇكىمەت قۇرۋعا شاقىردى. تالىپتەر ديالوگتان باس تارتسا، سوعىس بولاتىنىن ايتتى.
Reuters اگەنتتىگىنە تەلەفونمەن بەرگەن سۇقباتىندا احماد ماسۋد تالىپتەرمەن بەيبىت كەلىسسوز وتەدى دەپ ۇمىتتەنەتىنىن، دەگەنمەن وزىنە قارايتىن قارۋلى كۇش ۇرىسقا دايىن ەكەنىن ءبىلدىردى.
پانجشەر شاتقالى — اۋعانستاننىڭ تالىپتەر باقىلاۋىنا وتپەگەن سوڭعى ايماعىنىڭ ءبىرى. بۇل ءوڭىر حالقىنىڭ باسىم كوپشىلىگى ەتنيكالىق تاجىكتەر.
15 تامىزدا كابۋلدى سوعىسسىز العان تالىپتەر "اۋعانستاننىڭ بۇكىل اۋماعىن باقىلاۋعا الدىق، سوعىس اياقتالدى، اۋعانستان يسلام امىرلىگى قۇرىلادى" دەپ جار سالعان. پرەزيدەنت اشراف عاني اۋعانستاننان شىعىپ كەتكەن. ال احماد ماسۋد پەن اۋعانستاننىڭ ۆيتسە-پرەزيدەنتى ءامىروللا ساليح پانجشەر شاتقالىندا قارسىلاسۋ كۇشتەرىن جينايتىنىن حابارلاعان. وعان تالىپتەرمەن جۇمىس ىستەسكەندى قالامايتىن بۇرىنعى اۋعان ۇكىمەتىنىڭ جاساقتارى قوسىلعان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى