Özbekstan biligi Auğanstannıñ 46 wşağı men tikwşağın qonuğa mäjbürlegenin habarladı. Ol wşaqtar şekaradan zañsız ötken. Özbekstan qonuğa mäjbürlegen  wşaqtar men tikwşaqtarda barlığı 585 äskeri qızmetker bolğan.

Özbekstan prokuraturasınıñ mälimdemesine qarağanda, tamızdıñ 14-i men 15-ine Özbekstannıñ oñtüstigindegi Termez qalasınıñ äuejayına Auğanstannıñ 22 äskeri wşağı men 24 äskeri tikwşağın Özbekstan äskeri äue küşteri mäjbürlep qondırğan.

Auğanstannıñ bir wşağı Özbekstannıñ joyğış wşağımen soqtığısıp, şekaradağı Surhandariya oblısına qwlağan. Eki wşaqtıñ da wşqıştarı katapul'tpen sekirip, tiri qalğan. Bwl mälimdeme Özbekstan Qorğanıs ministrliginiñ "Auğanstannıñ äskeri wşağın Özbekstannıñ äskeri äue küşteri atıp tüsirdi" deytin, bwğan deyin tarağan habarğa qayşı keledi.

Özbekstan prokuraturasınıñ mälimetine qarağanda, tağı da 158 auğan azamatı Özbekstanmen şekaranı jayau kesip ötken. Onıñ işinde äskeri qızmetkerler de, qarapayım adamdar da bar.

Mäjbürlep qondırılğan wşaqtar men tikwşaqtar işindegi auğan äskeri qızmetkerleriniñ qazir qayda ekeni aytılmağan.

Ortalıq Aziyanıñ Auğanstanmen şektesetin tağı bir respublikası – Täjikstan da 16 tamızda Auğanstannıñ jüzden astam äskeri qızmetkeri bar eki wşağına täjiktiñ Bohtar qalasına qonuğa rwqsat bergenin mälimdegen bolatın.

The Qazaq Times