وزبەكستان بيلىگى اۋعانستاننىڭ 46 ۇشاعى مەن تىكۇشاعىن قونۋعا ماجبۇرلەگەنىن حابارلادى. ول ۇشاقتار شەكارادان زاڭسىز وتكەن. وزبەكستان قونۋعا ماجبۇرلەگەن ۇشاقتار مەن تىكۇشاقتاردا بارلىعى 585 اسكەري قىزمەتكەر بولعان.
وزبەكستان پروكۋراتۋراسىنىڭ مالىمدەمەسىنە قاراعاندا، تامىزدىڭ 14-ءى مەن 15-ىنە وزبەكستاننىڭ وڭتۇستىگىندەگى تەرمەز قالاسىنىڭ اۋەجايىنا اۋعانستاننىڭ 22 اسكەري ۇشاعى مەن 24 اسكەري تىكۇشاعىن وزبەكستان اسكەري اۋە كۇشتەرى ماجبۇرلەپ قوندىرعان.
اۋعانستاننىڭ ءبىر ۇشاعى وزبەكستاننىڭ جويعىش ۇشاعىمەن سوقتىعىسىپ، شەكاراداعى سۋرحانداريا وبلىسىنا قۇلاعان. ەكى ۇشاقتىڭ دا ۇشقىشتارى كاتاپۋلتپەن سەكىرىپ، ءتىرى قالعان. بۇل مالىمدەمە وزبەكستان قورعانىس مينيسترلىگىنىڭ "اۋعانستاننىڭ اسكەري ۇشاعىن وزبەكستاننىڭ اسكەري اۋە كۇشتەرى اتىپ ءتۇسىردى" دەيتىن، بۇعان دەيىن تاراعان حابارعا قايشى كەلەدى.
وزبەكستان پروكۋراتۋراسىنىڭ مالىمەتىنە قاراعاندا، تاعى دا 158 اۋعان ازاماتى وزبەكستانمەن شەكارانى جاياۋ كەسىپ وتكەن. ونىڭ ىشىندە اسكەري قىزمەتكەرلەر دە، قاراپايىم ادامدار دا بار.
ماجبۇرلەپ قوندىرىلعان ۇشاقتار مەن تىكۇشاقتار ىشىندەگى اۋعان اسكەري قىزمەتكەرلەرىنىڭ قازىر قايدا ەكەنى ايتىلماعان.
ورتالىق ازيانىڭ اۋعانستانمەن شەكتەسەتىن تاعى ءبىر رەسپۋبليكاسى – تاجىكستان دا 16 تامىزدا اۋعانستاننىڭ جۇزدەن استام اسكەري قىزمەتكەرى بار ەكى ۇشاعىنا تاجىكتىڭ بوحتار قالاسىنا قونۋعا رۇقسات بەرگەنىن مالىمدەگەن بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟