Körneki suret.

Auğanstan azamattıq aviaciya basqarması kommerciyalıq reys jasaytın wşaqtardı el aspanın aynalıp ötuge şaqırdı. Kabulğa qonatın jäne wşıp şığatın wşaqtardı äsker baqılaydı. Älemniñ köptegen eli Kabulden azamattarın jıldam äketuge tırısıp jatır.

16 tamızda azamattıq aviaciya Kabul äue keñistigi arqılı ötetin tranzit "baqılausız" qalatının mälimdedi.

Jeksenbide "Taliban" qozğalısı Auğastan astanası Kabuldı soğıssız alıp, qazir Kabul äuejayınan azamattarın evakuaciyalauğa tırısıp jatqan Batıs elderin tañırqattı.

Germaniyanıñ Lufthansa aviakompaniyası Auğanstan azamattıq aviaciya basqarmasınıñ habarınan keyin bağıtın özgertti.

Wşaq bağıttarın baqılaytın FlightRadar24 saytı Çikagodan Delige wşqan Air India layneri Auğanstan äue jolınan dereu şığıp ketkenin Twitter arqılı habarladı. Bakuden Delige baratın Terra Avia wşağı da Auğanstandı aynalıp ötken.

The Qazaq Times