توكيو وليمپياداسىندا ەركىن كۇرەستەن 57 كەلى سالماقتا كۇرەسكەن قازاقستاندىق بالۋان نۇريسلام ساناەۆ قولا مەدال يەلەندى. ول ءۇشىنشى ورىنعا تالاستا بولگاريالىق گەورگي ۆالەنتينوۆ ۆانگەلوۆتى جەڭدى.
ساناەۆ توكيو وليمپياداسىندا العاشقى اينالىمدا فافە ديامانتينونى (گۆينەيا-بيساۋ), شيرەك فينالدا 2017 جىلعى الەم چەمپيونى جاپون يۋكي تاكاحاسيدى جەڭگەن. بىراق جارتىلاي فينالدا ۇندىستاندىق راۆي كۋماردى جەڭىپ تۇرىپ، سوڭعى ساتتە قارسىلاسىنا ەسە جىبەرىپ قويدى.
توكيودا ەركىن كۇرەستەن قازاقستاننىڭ تاعى ءبىر بالۋانى دانيار قايسانوۆ (74 كگ) قولا مەدالعا تالاسادى. ول جارتىلاي فينالدا رەسەيلىك زاۋربەك سيداكوۆتان جەڭىلدى.
30 جاستاعى نۇريسلام ساناەۆ رەسەيدىڭ تۋۆا رەسپۋبليكاسىندا تۋعان. ازان شاقىرىپ قويعان ەسىمى - ارتاس ساناا. 2014 جىلى قازاقستان ازاماتتىعىن الىپ، وسى ەلدىڭ اتىنان جارىستارعا قاتىسا باستاعان. قازاقستانعا اۋىسقاندا ەسىمىن نۇريسلام ساناەۆ دەپ وزگەرتكەن.
ول 2018 جىلعى الەم چەمپيوناتىنىڭ كۇمىس، 2019 جىلعى الەم بىرىنشىلىگىنىڭ قولا جۇلدەگەرى. 2018 جىلعى ازيا چەمپيونى.
بۇل - قازاقستاننىڭ توكيو وليمپياداسىنداعى التىنشى قولا مەدالى. وسىعان دەيىن دزيۋدوشى ەلدوس سمەتوۆ، اۋىر اتلەتتەر ءزۇلفيا چينشانلو مەن يگور سون، بوكسشىلار قامشىبەك قوڭقاباەۆ پەن ساكەن بيبوسىنوۆ توكيودا قولا جۇلدە يەلەنگەن.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى