Tälipter Kandahar, Laşkar Lag jäne Gerat qalalarına şabulı jasadı .

«Taliban» küşteri Auğanstannıñ oñtüstik jäne batısındağı iri qalaların ükimetten tartıp aluğa küş salıp jatır. Ötken aptanıñ soñında Gerat, Laşkar-Gah jäne Kandahar qalalarına talas qaqtığıstarı qarqındı jürdi.

AQŞ pen NATO küşteri elden tamız ayınıñ soñına deyin ketip boladı. Bwl twsta tälipter eldegi baqılau kölemin keñeytuge küş salıp jatır. Tälipterdiñ qazirgi tebini Kabul biligine qauip töndirip otır. «Islam ämirligin» qwrğısı keletin «Taliban» qozğalısınıñ bwl belsendiligi öñirdegi özge elderdi de alañdatadı.

Auğanstanda gumanitarlıq dağdarısta tereñdey tüsti. Auğanstan ükimetiniñ de qaşanğa deyin twrıstıq bere alatının da boljap aytu qiın. El biliginiñ tağdırı sınğa tüsip jatqanda Auğanstandağı iri qalalardı kimniñ baqılauğa aluı da şeşuşi mänge ie mäselege aynaldı.

Tälipter taratqan mälimetterinde Auğanstannıñ jartı aumağın, sonıñ işinde Iran jäne Päkistanmen şekaralas aymaqtardı özine qaratqanın aytuda. Biraq, bwl aymaqtardağı provinciya ortalıqtarı äli de ükimettiñ qaramağında twr.

“The Qazaq Times”