تالىپتەر كانداھار، لاشكار لاگ جانە گەرات قالالارىنا شابۋلى جاسادى .

«تاليبان» كۇشتەرى اۋعانستاننىڭ وڭتۇستىك جانە باتىسىنداعى ءىرى قالالارىن ۇكىمەتتەن تارتىپ الۋعا كۇش سالىپ جاتىر. وتكەن اپتانىڭ سوڭىندا گەرات، لاشكار-گاح جانە كانداھار قالالارىنا تالاس قاقتىعىستارى قارقىندى ءجۇردى.

اقش پەن ناتو كۇشتەرى ەلدەن تامىز ايىنىڭ سوڭىنا دەيىن كەتىپ بولادى. بۇل تۇستا تالىپتەر ەلدەگى باقىلاۋ كولەمىن كەڭەيتۋگە كۇش سالىپ جاتىر. تالىپتەردىڭ قازىرگى تەبىنى كابۋل بيلىگىنە قاۋىپ ءتوندىرىپ وتىر. «يسلام امىرلىگىن» قۇرعىسى كەلەتىن «تاليبان» قوزعالىسىنىڭ بۇل بەلسەندىلىگى وڭىردەگى وزگە ەلدەردى دە الاڭداتادى.

اۋعانستاندا گۋمانيتارلىق داعدارىستا تەرەڭدەي ءتۇستى. اۋعانستان ۇكىمەتىنىڭ دە قاشانعا دەيىن تۇرىستىق بەرە الاتىنىن دا بولجاپ ايتۋ قيىن. ەل بيلىگىنىڭ تاعدىرى سىنعا ءتۇسىپ جاتقاندا اۋعانستانداعى ءىرى قالالاردى كىمنىڭ باقىلاۋعا الۋى دا شەشۋشى مانگە يە ماسەلەگە اينالدى.

تالىپتەر تاراتقان مالىمەتتەرىندە اۋعانستاننىڭ جارتى اۋماعىن، سونىڭ ىشىندە يران جانە پاكىستانمەن شەكارالاس ايماقتاردى وزىنە قاراتقانىن ايتۋدا. بىراق، بۇل ايماقتارداعى پروۆينتسيا ورتالىقتارى ءالى دە ۇكىمەتتىڭ قاراماعىندا تۇر.

“The Qazaq Times”