Amazon kompaniyasınıñ negizin qalauşı, älemdegi eñ bay adamdardıñ biri Djeff Bezos New Shepard kemesimen ğarışqa wştı. Atalğan ğarış kemesin milliarderdiñ jeke kompaniyası Blue Origin qwrastırğan.

VTORNew Shepard kapsulalı raketası jergilikti uaqıtpen sağat 09:10-da Tehastıñ batısındağı Bezostıñ jeke ğarış aylağınan wşırıldı. Odan keyin äue kemesi zımıran tasığıştan bölinip 100 km biiktikke köterildi. Jalpı wşu uaqıtı 11 minut bolğan.

Bezos mingen keme jaqında ğana ğarışqa sapar jasağan britandıq milliarder Riçard Brensonnan joğarı wşqan. Eger Virgin Galactic kompaniyasınıñ Unity kemesi Jerden 90 km biiktikke köterilse, New Shepard 106 km wşqan.

Astronomdardıñ aytuınşa, bwl qaşıqtıqta aspan qara, al jerdiñ döñes beti öte anıq körinedi. Degenmen turister 400 şaqırım biiktikte ornalasqan halıqaralıq ğarış stanciyasına jete almaydı. Ötken onjıldıqta bwl stanciyağa barıp-qaytu üşin turister ondağan mln dollar tölegen bolatın.

2022 jıldan bastap twraqtı ğarış turları wyımdastırılmaq. Bir bilettiñ qwnı 250 mıñ dollar twradı. Kelesi jılğa 700 bilet aldın ala satılıp qoyğan.

"The Qazaq Times"