Amazon كومپانياسىنىڭ نەگىزىن قالاۋشى، الەمدەگى ەڭ باي ادامداردىڭ ءبىرى دجەفف بەزوس New Shepard كەمەسىمەن عارىشقا ۇشتى. اتالعان عارىش كەمەسىن ميللياردەردىڭ جەكە كومپانياسى Blue Origin قۇراستىرعان.
ۆتورNew Shepard كاپسۋلالى راكەتاسى جەرگىلىكتى ۋاقىتپەن ساعات 09:10-دا تەحاستىڭ باتىسىنداعى بەزوستىڭ جەكە عارىش ايلاعىنان ۇشىرىلدى. ودان كەيىن اۋە كەمەسى زىمىران تاسىعىشتان ءبولىنىپ 100 كم بيىكتىككە كوتەرىلدى. جالپى ۇشۋ ۋاقىتى 11 مينۋت بولعان.
بەزوس مىنگەن كەمە جاقىندا عانا عارىشقا ساپار جاساعان بريتاندىق ميللياردەر ريچارد برەنسوننان جوعارى ۇشقان. ەگەر Virgin Galactic كومپانياسىنىڭ Unity كەمەسى جەردەن 90 كم بيىكتىككە كوتەرىلسە، New Shepard 106 كم ۇشقان.
استرونومداردىڭ ايتۋىنشا، بۇل قاشىقتىقتا اسپان قارا، ال جەردىڭ دوڭەس بەتى وتە انىق كورىنەدى. دەگەنمەن تۋريستەر 400 شاقىرىم بيىكتىكتە ورنالاسقان حالىقارالىق عارىش ستانتسياسىنا جەتە المايدى. وتكەن ونجىلدىقتا بۇل ستانتسياعا بارىپ-قايتۋ ءۇشىن تۋريستەر ونداعان ملن دوللار تولەگەن بولاتىن.
2022 جىلدان باستاپ تۇراقتى عارىش تۋرلارى ۇيىمداستىرىلماق. ءبىر بيلەتتىڭ قۇنى 250 مىڭ دوللار تۇرادى. كەلەسى جىلعا 700 بيلەت الدىن الا ساتىلىپ قويعان.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟