Amerika Qwrama Ştattarı özi bastağan äskeri küşterge qızmet etken (audarmaşı,  kömekşi nemese jol bastauşı bolğan) auğan azamattarın evakuaciyalaudı bastaydı. Prezident Baydenniñ bwyrığımen "jaqtastardı qorğau" operaciyası şildeniñ soñğı aptasında bastalmaq.

"Taliban" küşteri eldegi aumağın keñeytip jatqan kezde,  şeteldik küşterge qızmet etken auğan azamattarınıñ ömirine qauip arta tüsti. Tälipter  olardı  satqın retinde jazalaydı degen boljam bar.

"Reyter" aqparattıq agenttigi atı-jönin atağısı kelmegen amerikalıq lauazımnıñ mälimetine silteme jasay otırıp, bastapqıda 2500 adamnıñ evakuaciyalanatının, olar AQŞ vizasın alu boyınşa dokumentteri qaralıp bolğanğa deyin AQŞ nemese üşinşi eldiñ äskeri mekemelerinde bolatının jazğan.

Esteriñizde bolsa,  9 mıñ auğan azamatın qabıldau boyınşa Qwrama Ştattar Qazaqstandı qamtığan birqatar Orta Aziya elderine ötiniş jasağan bolatın. Alayda,  aymaq elderi bwl mäsele boyınşa belsendilik tanıtqan joq.

Keşe,  15 şilde Taşkentte  Orta Aziya elderi men AQŞ ortasındağı S5+1 formattağı dialogtıñ kezekti otırısı ötti. Onda da osı mäseleniñ qaytalay talqılanğanı sözssiz.

"The Qazaq Times"