امەريكا قۇراما شتاتتارى ءوزى باستاعان اسكەري كۇشتەرگە قىزمەت ەتكەن (اۋدارماشى، كومەكشى نەمەسە جول باستاۋشى بولعان) اۋعان ازاماتتارىن ەۆاكۋاتسيالاۋدى باستايدى. پرەزيدەنت بايدەننىڭ بۇيرىعىمەن "جاقتاستاردى قورعاۋ" وپەراتسياسى شىلدەنىڭ سوڭعى اپتاسىندا باستالماق.
"تاليبان" كۇشتەرى ەلدەگى اۋماعىن كەڭەيتىپ جاتقان كەزدە، شەتەلدىك كۇشتەرگە قىزمەت ەتكەن اۋعان ازاماتتارىنىڭ ومىرىنە قاۋىپ ارتا ءتۇستى. تالىپتەر ولاردى ساتقىن رەتىندە جازالايدى دەگەن بولجام بار.
"رەيتەر" اقپاراتتىق اگەنتتىگى اتى-ءجونىن اتاعىسى كەلمەگەن امەريكالىق لاۋازىمنىڭ مالىمەتىنە سىلتەمە جاساي وتىرىپ، باستاپقىدا 2500 ادامنىڭ ەۆاكۋاتسيالاناتىنىن، ولار اقش ۆيزاسىن الۋ بويىنشا دوكۋمەنتتەرى قارالىپ بولعانعا دەيىن اقش نەمەسە ءۇشىنشى ەلدىڭ اسكەري مەكەمەلەرىندە بولاتىنىن جازعان.
ەستەرىڭىزدە بولسا، 9 مىڭ اۋعان ازاماتىن قابىلداۋ بويىنشا قۇراما شتاتتار قازاقستاندى قامتىعان بىرقاتار ورتا ازيا ەلدەرىنە ءوتىنىش جاساعان بولاتىن. الايدا، ايماق ەلدەرى بۇل ماسەلە بويىنشا بەلسەندىلىك تانىتقان جوق.
كەشە، 15 شىلدە تاشكەنتتە ورتا ازيا ەلدەرى مەن اقش ورتاسىنداعى س5+1 فورماتتاعى ديالوگتىڭ كەزەكتى وتىرىسى ءوتتى. وندا دا وسى ماسەلەنىڭ قايتالاي تالقىلانعانى ءسوزسسىز.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر