Baltıq elderiniñ äue keñistiginde NATO Ramstein Alloy äskeri jattığuın bastadı. 

Bwl jattığularğa Emari, Şaulyay bazalarındağı ital'yandıq jäne ispandıq äskeri-äue küşterinen basqa Germaniya, Ispaniya, Pol'şa, Türkiya jäne Finlyandiya wşqıştarı qatısadı. Oqu-jattığuğa barlığı 20-dan astam äue kemesi, sonıñ işinde AWACS E-3 basqaru jüyesiniñ wşaqtarı qatısadı.

Älemdegi eñ ülken äskeri jäne sayasi odaq sanalatın Soltüstik atlantikalıq konvenciya wyımınıñ (NATO) Baltıq elderindegi äskeri jattığuı jılına üş ret ötkiziledi.

Negizinen NATO Keñes odağınıñ äskeri qaupine qarsı twru üşin Europadağı on memleket jäne AQŞ pen Kanada arasında qwrılğan bolatın. Ekinşi düniejüzilik soğıs ayaqtala salısımen Keñes odağı öziniñ Şığıs Europadağı ıqpalın mıqtap ornıqtıra bastadı. Europanıñ şığısında Keñes odağınıñ mıñdağan qarulı küşteri ornalastı. Bolaşağınan qauiptengen Batıs Europa elderi jäne Amerika Qwrama Ştattarı küşti qauipke qarsı ortaq al'yans qwrudı közdegen.

Qazirgi tañda NATO-ğa qauip töndiretin Keñes odağı joq. Kerisinşe, Keñes odağı ıdırağannan keyin Batıs Europanı alañdatqan Şığıs Europalıq elder wyımğa müşe bolıp kirdi. Onıñ üstine NATO şekarası Mäskeuge mıñ şaqırımğa deyin jaqındadı. Qırği-qabaq soğısı ayaqtalıp, Keñes odağı kelmeske ketkenimen NATO äli de Mäskeuden qauiptenedi.

"The Qazaq Times"