بالتىق ەلدەرىنىڭ اۋە كەڭىستىگىندە ناتو Ramstein Alloy اسكەري جاتتىعۋىن باستادى. 

بۇل جاتتىعۋلارعا ەماري، شاۋلياي بازالارىنداعى يتالياندىق جانە يسپاندىق اسكەري-اۋە كۇشتەرىنەن باسقا گەرمانيا، يسپانيا، پولشا، تۇركيا جانە فينليانديا ۇشقىشتارى قاتىسادى. وقۋ-جاتتىعۋعا بارلىعى 20-دان استام اۋە كەمەسى، سونىڭ ىشىندە AWACS E-3 باسقارۋ جۇيەسىنىڭ ۇشاقتارى قاتىسادى.

الەمدەگى ەڭ ۇلكەن اسكەري جانە ساياسي وداق سانالاتىن سولتۇستىك اتلانتيكالىق كونۆەنتسيا ۇيىمىنىڭ (ناتو) بالتىق ەلدەرىندەگى اسكەري جاتتىعۋى جىلىنا ءۇش رەت وتكىزىلەدى.

نەگىزىنەن ناتو كەڭەس وداعىنىڭ اسكەري قاۋپىنە قارسى تۇرۋ ءۇشىن ەۋروپاداعى ون مەملەكەت جانە اقش پەن كانادا اراسىندا قۇرىلعان بولاتىن. ەكىنشى دۇنيەجۇزىلىك سوعىس اياقتالا سالىسىمەن كەڭەس وداعى ءوزىنىڭ شىعىس ەۋروپاداعى ىقپالىن مىقتاپ ورنىقتىرا باستادى. ەۋروپانىڭ شىعىسىندا كەڭەس وداعىنىڭ مىڭداعان قارۋلى كۇشتەرى ورنالاستى. بولاشاعىنان قاۋىپتەنگەن باتىس ەۋروپا ەلدەرى جانە امەريكا قۇراما شتاتتارى كۇشتى قاۋىپكە قارسى ورتاق اليانس قۇرۋدى كوزدەگەن.

قازىرگى تاڭدا ناتو-عا قاۋىپ توندىرەتىن كەڭەس وداعى جوق. كەرىسىنشە، كەڭەس وداعى ىدىراعاننان كەيىن باتىس ەۋروپانى الاڭداتقان شىعىس ەۋروپالىق ەلدەر ۇيىمعا مۇشە بولىپ كىردى. ونىڭ ۇستىنە ناتو شەكاراسى ماسكەۋگە مىڭ شاقىرىمعا دەيىن جاقىندادى. قىرعي-قاباق سوعىسى اياقتالىپ، كەڭەس وداعى كەلمەسكە كەتكەنىمەن ناتو ءالى دە ماسكەۋدەن قاۋىپتەنەدى.

"The Qazaq Times"