Taliban sodırları. Körneki suret

Auğanstannıñ Maydan Vardak provinciyasında Taliban sodırları el äskeriniñ 50-den astam qızmetkerin twtqınğan aldı. Bwl turalı Azattıq radiosı habarladı.

Azattıqtıñ jauzınşa, 27 mausım küni Maydan Vardak provinciyası policiyasınıñ bastığı polkovnik Mwstafa Mayar atısqa tolı tüni Auğanstan qauipsizdik küşteriniñ sarbazdarı twtqınğa tüskenin mälimdegen.

Onıñ sözinşe, provinciyanıñ Çak jäne Sayed Abad audandarı tälipter qolına ötken. Mayar qauipsizdik küşteriniñ soñına deyin qarsılıq körsetkenin ayttı.

"Auğan wlttıq policiyasınıñ Sayed Abadta 30, Çakta 26 qızmetkeri jaudıñ qolına tüsti" dedi Mayar Azat.

Ükimet äzirge bwl jağday turalı pikir bildirmedi.

Al Talibannıñ baspasöz hatşısı Zabiulla Mudjahed Twitter-de tälipterdiñ Sayed Abadta 190 sarbazdı twtqınğa alğanın mälimdedi.

Keyingi aptalarda Taliban äskeri tobı ondağan audandı basıp alıp, şetel äskeri elden ketkende Batıs qoldauına ie qazirgi ükimet küyreui mümkin degen alañdauşılıqtı küşeytti. AQŞ Auğanstan jerinen äskerin 11 qırküyekke deyin tolıq äketpek.

22 mausım küni BWW-nıñ Auğanstandağı arnayı ökili Debora Layons Talibannıñ mamır ayınan beri eldegi 370 audannıñ 50-in basıp alğanın, bwl jağday Auğanstanmen birge köptegen özge elge qauip töndiretinin ayttı.

Auğanstan qorğanıs ministrligi key audandarınıñ tälipter qolına ötuin taktikalıq şeginis dep atap, keyingi künderi onnan asa audandıñ qayta basıp alınğanı mälimdedi.

25 mausım küni AQŞ prezidenti Djo Bayden Aq üyde Auğanstan prezidenti Aşraf Ğanimen kezdesip, "Bwdan bılay auğandar öz eliniñ tağdırın özi şeşedi" dedi. Söyte twra ol Auğanstanğa odan äri de qoldau bildiretinin ayttı.

"The Qazaq Times"