تاليبان سودىرلارى. كورنەكى سۋرەت

اۋعانستاننىڭ مايدان ۆارداك پروۆينتسياسىندا تاليبان سودىرلارى ەل اسكەرىنىڭ 50-دەن استام قىزمەتكەرىن تۇتقىنعان الدى. بۇل تۋرالى ازاتتىق راديوسى حابارلادى.

ازاتتىقتىڭ جاۋزىنشا، 27 ماۋسىم كۇنى مايدان ۆارداك پروۆينتسياسى پوليتسياسىنىڭ باستىعى پولكوۆنيك مۇستافا مايار اتىسقا تولى ءتۇنى اۋعانستان قاۋىپسىزدىك كۇشتەرىنىڭ ساربازدارى تۇتقىنعا تۇسكەنىن مالىمدەگەن.

ونىڭ سوزىنشە، پروۆينتسيانىڭ چاك جانە سايەد اباد اۋداندارى تالىپتەر قولىنا وتكەن. مايار قاۋىپسىزدىك كۇشتەرىنىڭ سوڭىنا دەيىن قارسىلىق كورسەتكەنىن ايتتى.

"اۋعان ۇلتتىق پوليتسياسىنىڭ سايەد ابادتا 30, چاكتا 26 قىزمەتكەرى جاۋدىڭ قولىنا ءتۇستى" دەدى مايار ازات.

ۇكىمەت ازىرگە بۇل جاعداي تۋرالى پىكىر بىلدىرمەدى.

ال تاليباننىڭ ءباسپاسوز حاتشىسى زابيۋللا مۋدجاحەد Twitter-دە تالىپتەردىڭ سايەد ابادتا 190 ساربازدى تۇتقىنعا العانىن مالىمدەدى.

كەيىنگى اپتالاردا تاليبان اسكەري توبى ونداعان اۋداندى باسىپ الىپ، شەتەل اسكەرى ەلدەن كەتكەندە باتىس قولداۋىنا يە قازىرگى ۇكىمەت كۇيرەۋى مۇمكىن دەگەن الاڭداۋشىلىقتى كۇشەيتتى. اقش اۋعانستان جەرىنەن اسكەرىن 11 قىركۇيەككە دەيىن تولىق اكەتپەك.

22 ماۋسىم كۇنى بۇۇ-نىڭ اۋعانستانداعى ارنايى وكىلى دەبورا لايونس تاليباننىڭ مامىر ايىنان بەرى ەلدەگى 370 اۋداننىڭ 50-ءىن باسىپ العانىن، بۇل جاعداي اۋعانستانمەن بىرگە كوپتەگەن وزگە ەلگە قاۋىپ توندىرەتىنىن ايتتى.

اۋعانستان قورعانىس مينيسترلىگى كەي اۋداندارىنىڭ تالىپتەر قولىنا ءوتۋىن تاكتيكالىق شەگىنىس دەپ اتاپ، كەيىنگى كۇندەرى وننان اسا اۋداندىڭ قايتا باسىپ الىنعانى مالىمدەدى.

25 ماۋسىم كۇنى اقش پرەزيدەنتى دجو بايدەن اق ۇيدە اۋعانستان پرەزيدەنتى اشراف عانيمەن كەزدەسىپ، "بۇدان بىلاي اۋعاندار ءوز ەلىنىڭ تاعدىرىن ءوزى شەشەدى" دەدى. سويتە تۇرا ول اۋعانستانعا ودان ءارى دە قولداۋ بىلدىرەتىنىن ايتتى.

"The Qazaq Times"