Foto: static.zakon

BWW-nıñ twraqtı damu bağdarlamasınıñ genderlik teñsizdik indeksinde 44-şi orında twrğan Qazaqstan Auğanstan äyelderiniñ ekonomikalıq qwqıqtarı men mümkindikterin arttıruğa kömektespek.

«Ortalıq Aziya men Auğanstanda twraqtı damu üşin äyelderdiñ ekonomikalıq qwqıqtarı men mümkindikterin keñeytu» attı halıqaralıq forumda taraptar osınday şeşimge kelgen. Onlayn arqılı baylanısqa şıqqan Parlament Mäjilisi törağasınıñ orınbasarı Balaim Kesebaeva qazir Qazaqstan, Özbekstan jäne Europalıq Odaq arasında ornatılğan üşjaqtı kelisim sätti jüzege asıp otır deydi. Atalğan qwjat Auğanstan äyelderin Qazaqstan men Özbekstannıñ joğarı oqu orındarında oqıtu mäselesin qamtidı.

Al BWW Bas hatşısınıñ kömekşisi Miran'ya Spolyariç Egger Ortalıq Aziyada genderlik teñdik taqırıbı özekti mäselelerdiñ qatarında dep sanaydı. Bwl mäsele Qazaqstandı da aynalıp ötpeydi. Halıqaralıq Human Rights Watch qwqıq qorğau wyımı Qazaqstandağı genderlk teñsizdik pen twrmıstağı älimjettik taqırıbın «twraqtı saqtalıp otırğan mäsele» dep sipattaydı. İşki ister ministrligi bıltır qırküyekte policiyağa twrmıstağı älimjettikke baylanıstı tüsken 130 mıñ şağımnıñ tek 2,5 mıñı boyınşa qılmıstıq is qozğalğanın habarlağan. 30 mıñ şağımnıñ negizinde äkimşilik is qozğalğan. Al özge jağdaylarda jäbirlenuşiler arız jazudan bas tartqan.

BWW esebine säykes, Qazaqstanda jıl sayın otbasındağı zorlıq-zombılıqtan şamamen 400 äyel köz jwmadı.

"The Qazaq Times"