BWW Bas hatşısı Antoniu Guterriş. Foto: https://un.by

Birikken wlttar wyımınıñ Jasıl klimat qorı parniktik gazdardı azaytuğa 1 milliard 870 million dollardan astam qarajat bölmek. Bwl jöninde Jasıl klimat qorınıñ ağa mamanı Leo Pak mälimdedi.

Atalğan wyım Europalıq qayta qwru jäne damu bankimen birlesip, Qazaqstandağı jañartılatın energiya közderi jobalarına 557 million AQŞ dollar investiciya qwyğan. Osı qarajatqa Qarağandı oblısında 40 megavatt kün elektr stanciyası iske qosıldı. Sonımen qatar, Şığıs Qazaqstan oblısınıñ Janğıztöbe auılında kün elektr stanciyasın saluğa 16 million 700 mıñ dollar köleminde nesie berilgen. Jasıl klimat qorı men Europalıq qayta qwru jäne damu banki Qazaqstanda 11 jasıl jobanı jüzege asırudı josparlap otır. Jasıl stanciyalar Qazaqstandağı kömirqışqıl gazın şığarudı 13 million tonnağa azaytadı degen boljam bar.

Qordıñ josparları ştab-päteri ornalasqan oñtüstikkoreyalıq Inçonda halıqaralıq seminarda qaraladı. Älem boyınşa bizdiñ 95 tirkelgen wyımı bar qormen Qazaqstan 3 jıldan beri baylanısta. Resmi mälimetter boyınşa, 2019 jıldıñ özinde BWW-nıñ Jasıl klimat qorı 124 joba maqwldağan. Olardıñ jalpı soması 5 milliard 600 million dollar.

"The Qazaq Times"