Otardağı äskeri oqu-jattığu jiını. Körneki suret. Foto: Qorğanıs ministrliginiñ baspasöz qızmeti

Qazaqstan qorğanıs ministrligi "Qazaqstan men Täjikstan ükimeti arasındağı qaytarımsız äskeri kömek beru jönindegi kelisimdi ratifikaciyalau turalı" zañ jobasın äzirledi. Zañ jobasın parlament bekitse, Qazaqstan Täjikstanğa äskeri kömek retinde 3 millionnan astam qaru-jaraq beredi.

Qorğanıs ministrliginiñ habarlauınşa, bwl kelisimge halıqaralıq şarttarğa säykes biıl qol qoyılğan.

Äskeri tehnika Jambıl oblısınıñ Otar stanciyasındağı äskeri aumaqtan alınıp, temir jol arqılı Duşanbeniñ Rohati stanciyasına jetkizilmek. Kelisimge säykes äskeri mülikten salıq alınbaydı. Täjikstan tarabı şığındı öz moynına aladı.

Juırda Qazaqstan prezidenti Qasım-Jomart Toqaev resmi saparmen Täjikstanğa barğan. Onda eki el prezidentiniñ kezdesui barısında sauda-ekonomikalıq qatınastı nığaytu, investiciya tartu, kölik-tranzit mümkindigin arttıru jöninde kelisimge kelgen. Sonımen birge Qazaqstannan oqu orındarın aşu jöninde de talqılağan. Delegaciya müşeleri 6 qwjatqa qol qoyğan. Ol qwjattardıñ arasında äskeri kömek jöninde kelisim bolmağan.

"The Qazaq Times"