Qazaqstan densaulıq saqtau ministrliginiñ mälimetinşe, ötken täulikte elde 1558 adamnan kornavirus tabıldı. Eki kün bwrın 10 adamğa koronavirus pnevmoniyası diagnozı qoyılğan. 24 adam qaytıs bolğan: 23 adam – koronavirustan, 1 adam koronavirus pnevmoniyasınan köz jwmdı dep aytıladı.

Ötken täulikte Almatıda – 348, Qarağandı oblısında – 348, Nwr-Swltanda – 174, Aqmola oblısında – 133, Almatı oblısında – 106, Pavlodar oblısında – 75, Batıs Qazaqstan oblısında 68 adamnan koronavirus anıqtaldı. Şımkentte – 27, Aqtöbe oblısında – 20, Atırau oblısında – 36, Şığıs Qazaqstan oblısında – 73, Jambıl oblısında – 18, Qostanay oblısında – 40, Qızılorda oblısında – 13, Mañğıstau oblısında – 16, Soltüstik Qazaqstan oblısında – 45, Türkistan oblısında 18 nauqas tirkelgen.

2020 jıldıñ 13 naurızınan beri 376 572 adamnıñ PTR testi oñ şıqqan, 3828-i qaytıs bolğan.

Qazaqstan biligi pnevmoniyanıñ koronavirusqa wqsas türi – koronavirus pnevmoniyasına şaldıqqandardı Covid statistikasına engizbegen. Biraq halıqaralıq wyımnıñ qısımımen bıltır 1 tamızdan beri esepke ala bastağan. Sodan beri 54 716 adamğa koronavirus pnevmoniyası diagnozı qoyılğan. 3345-i qaytıs bolğan.

25 mamır küngi mälimet boyınşa, Qazaqstanda 2 mln 15 mıñ adamğa koronavirusqa qarsı vakcinanıñ keminde alğaşqı dozası salınğan. 949 mıñnan astam adam vakcinanıñ eki dozasın alğan.

"The Qazaq Times"