Ş.Mwqan men S.Mayğaziev

Memlekettik satıp alu portalındağı derekterdi negizge alğan jurnalister men belsendi azamattar 2 ay bwrın änşi Säken Mayğaziev basqaratın Şımkent qalalıq mädeniet üyiniñ Naurız merekesine arnalğan is-şaralarğa 595 mln teñge bölgenin anıqtağan. Bwl oqiğa qoğamda şu tuğızıp, belsendi azamattar äkimdikten naurızğa jwmsalğan qarjınıñ esebin swrağanda, qala äkiminiñ birinşi orınbasarı Şıñğıs Mwqan jurnalister keltirgen resmi derekti joqqa şığarğan edi.

Ol sol kezde jartı mlrd teñgeden astam qarajat "tek Naurız merekesine ğana emes, jıl boyı ötetin is-şaralar üşin qarastırıldı" dep mälimdegen. Alayda Qazaqtimes tilşisi Şımkent qalalıq mädeniet üyi mamırdağı merekelerge oray da memlekettik satıp alu portalında üş kelisimşart jasasqanın anıqtadı. Bwl – Mwqannıñ "Naurızğa 213 mln teñge bölindi, 572 mln teñge jıl boyı ötetin is-şaralar üşin qarastırılğan" degenin joqqa şığaratın birden-bir fakt. Öytkeni Şımkent qalalıq mädeniet üyiniñ jıl bastalğalı merekelik is-şaralar üşin jasasqan kelisimşarttarınıñ jalpı qwnı qazirdiñ özinde 610 mln teñgeden asıp ketti.

MAYĞAZIEV BASQARATIN MEKEMENİÑ MAMIRDAĞI TENDERLERİ

Şımkent qalalıq mädeniet üyi 19 mamırda "Qazaqstan halqınıñ birligi merekesine jäne "ShymQala" etno auılınıñ aşıluına arnalğan is-şara" üşin "IP Tohtahunov" degen kompaniyamen kelisimşart jasasqan. Qwnı 8 548 500 teñge. Atalğan kompaniya biılğı aqpanda ğana tirkelgen. Aşıq derekközderde kompaniyanıñ mekenjayı retinde Almatı qalası körsetilip twr. Bwğan deyin eşqanday tenderge qatıspağan. Memlekettik satıp alu portalına Mayğaziev basqaratın mekemeden tender alardan 13 kün bwrın, yağni 6 mamırda ğana tirkelgen.

"IP Tohtahunov" kompaniyasımen jasalğan kelisimşarttıñ skrinşotı.

Bir ayta ketetin jayt – joğarıdağı satıp alu boyınşa kelisimşartqa 19 mamırda qol qoyılıp, 21 mamırda "IP Tohtahunov" kompaniyasına tiisti qarjı (8 548 500 teñge) tölengen. Al Şımkent mädeniet basqarmasına tiesili äleumettik jeli paraqşalarında "ShymQala" etno auılınıñ aşıluına arnalğan is-şaranıñ 4 mamırda ötkenin bayqauğa boladı. Bwl derekter kelisimşartqa is-şara ötip qoyğan soñ qol qoyılğanın añğartıp twr.

Şımkent qalalıq mädeniet üyi "7 mamır Otan qorğauşılar künin" de wmıt qaldırğan joq. Mekeme bwl merekege oray "IP "ESENOV T.A." degen kompaniyamen 5 450 000 teñgege kelisimşart jasasqan. Bwl satıp alu boyınşa da kelisimşartqa mereke ötip ketken soñ, yağni 19 mamırda qol qoyılğan.

Mekemeniñ mamırda jasasqan üşinşi kelisimşartı "El esimi - el esinde" Jeñistiñ 76 jıldığına arnalğan merekelik is-şara" dep ataladı. Kelisimşartqa jeñis künine arnalğan is-şaralar ötip ketken soñ, yağni, 21 mamırda qol qoylığan. Tapsırıstı orındauşı – astanada tirkelgen OYOU kompaniyası. Memlekettik satıp alu portalındağı aqparatqa qarağanda, atalğan kompaniya bwğan deyin 10 ret tender qtqan. Onıñ barlığında tapsırıs beruşi mekeme – Mädeniet jäne sport ministrliginiñ «Astana qalasındağı Qazaqstan Respublikasınıñ Wlttıq akademiyalıq kitaphanası» RMM".

JAUAPTAN JALTARĞAN ŞIÑĞIS MWQAN 

QazaqTimes Şımkent qalalıq mädeniet üyi mamırdağı merekelerge oray da birneşe is-şara wyımdastırğanına köz jetkizgennen keyin qala äkiminiñ orınbasarı Şıñğıs Mwqanğa habarlastı. Biraq onıñ özimen söylesu mümkin bolğan joq. Tilşiniñ qoñırauına jauap bergen äkim orınbasarınıñ hatşısı bir kün boyı türli sıltau ayttı. Keyin tipti telefondı kötermey qoydı.

Ş.Mwqan Foto: Nur.kz

QazaqTimes Şıñğıs Mwqannan "säuirde bäriniñ esebin beremiz" degen "uädesi" nege orındalmağanın, "572 mln teñge jıl boyı ötetin is-şaralarğa qarastırıldı" degen mälimeti ne sebepti memlekettik satıp alu portalındağı resmi derekke qayşı ekenin swramaq bolğan.

"The Qazaq Times"