Foto: sk-pharmacy.kz

Qazaqstanda "vakcinadan keyin qaytıs boldı" delingen tört adamnıñ ekeuiniñ ölimine vakcina sebep bolğanı däleldenbegen. Qalğan ekeuine qatıstı komissiya jwmısı jalğasıp jatır. Bwl turalı 19 mamırda ötken brifingte densaulıq saqtau vice-ministri Ajar Ğinayat mälimdedi.

Onıñ aytuınşa, Almatı oblısında perzenthanada jwmıs istegen medicina qızmetkeriniñ ölimine qatıstı komissiya jwmısın ayaqtağan. Marqwm därigerdiñ bwrınnan jüregi auırğan, dispanserlik tirkeude twrğan, biraq jii qaralmağan. Qajetti däri-därmek qabıldamağan.

"Sot-medicinalıq saraptamasınıñ nätijesi men komissiyanıñ tüpkilikti qorıtındısına säykes, pacienttiñ mäyitin tekseru kezinde virusomiya belgileri nemese koronavirustıñ organdarğa äseri anıqtalmadı. Sozılmalı jürek patologiyası bolğan, qaytıs boluına sol sebep boldı, osığan oray adam öliminiñ vacinağa qatısı däleldenbedi" dedi Ajar Ğinayat .

Onıñ sözine qarağanda, Almatı qalası twrğınınıñ ölimine qatıstı sot-medicinalıq saraptama nätijesi äzirge dayın bolmağan. Ministrlik ökili marqwmnıñ dispanserlik esepte twrmağanın, därigerlerge twraqtı türde qaralmağanın ayttı. Biraq onıñ "qan qısımı joğarı bolğan, jüregi auırğan".

Vice-ministrdiñ aytuınşa, komissiya Aqtöbe oblısında qaytıs bolğan twrğınnıñ jürek soğısınıñ bwzılğanın (aritmiya) anıqtağan, bwl köp jağdayda jürek işemiyasına aparadı, sol sebepti adam öliminiñ vakcinağa qatısı joq degen qorıtındı jasalğan.

Al törtinşi azamat vakcinanıñ ekinşi komponenti salınğannan keyin 12 kün ötken soñ qaytıs bolğan. Onıñ ölimin komissiya äli zerttep jatır.

Qazaqstanda koronavirusqa qarsı jappay vakcinaciyalau 1 aqpanda bastalğan.

"The Qazaq Times"