Körneki suret. Foto: Olimpic.kz

Pol'şanıñ Kel'ce qalasında ötken bokstan jastar arasındağı älem çempionatında  Qazaqstan qwraması eki altın, tört kümis, tört qola medal' jeñip aldı.

Qazaqstannıñ qızdar qwraması 10 salmaqtıñ beseuinde jüldege ilikti, biraq altın medal' alğan joq. Äsel Sağatova (81 kg), Eldana Tälip(+81 kg) jäne Jasmin Qizatova(69 kg) jartılay finalda jeñilip, qola jüldeger atansa, Jwldız Şayahmetova(60 kg) men Dana Diday(75 kg) aqtıq sında wtılıp, kümis jüldeni mise twttı.

Qızdar arasında Ündistannıñ jeti boksşısı çempion atandı. Qalğan üş salmaqtıñ altını Resey, Özbekstan jäne Türkiya qızdarınıñ enşisinde.

Qazaqstannıñ erler qwraması da 10 salmaqta sınğa tüsip, beseuinde jülde jeñip aldı.

Eñ jeñil salmaq - 49 kilogramda jwdırıqtasqan Sanjar Täşkenbay jäne 64 kilogramda jwdırıqtasqan Sabırjan Aqqalıqov älem çempionı atandı. 56 kilogramdağı Erbolat Sabır men 60 kilogramdağı Elnwr Süyinbay kümis jüldeger jeñip alsa, 75 kilogramdağı Dias Moljigitovtıñ enşisinde - qola medal'.

"The Qazaq Times"