M. Toktauçikov. Foto: Kabar.kg

Qırğızstan biligi "memleketke satqındıq jasadı" degen ayıppen eki adamdı qamauğa aldı, olardıñ bireui – Qırğız Respublikasındağı qazaq diasporasınıñ eks-basşısı Marat Toktouçikov. Bwl aqparattı 15 cäuirde Pervıy may audandıq sotınıñ baspasöz qızmetine silteme jasağan qırğızstandıq Kabar.kg saytı habarladı. 

Sayt mälimetinşe, qamauğa alınğan ekinşi adam – sayasattanuşı Marat Qazaqpaev. Ol 14 cäuir küni  Pervıy may audandıq sotınıñ qaulısımen wstalğan. Sot sayasattanuşını 2021 jılğı 14 mausımğa deyin qamauğa alu turalı qaulı şığarğan.  Sot şeşimine say,  Marat Toktouçikov te 2021 jıldıñ 13 mausımına deyin qamauda otıradı.

Qazaqbaevtıñ da, Toktutouçikovtıñ da memleketke naqtı qanday satqındıq jasağanı äli belgisiz.

Qırğızstan memlekettik wlttıq qauipsizdik komitetiniñ habarlauınşa, eldegi qoldanıstağı zañğa say, küdiktilerge tağılğan ayıp däleldense,  olar 10 jıl bas bostandığınan ayırıluı mümkin.

Marat Toktauçikov – Qırğız Respublikasınıñ azamatı. Ol qazaq diasporasınıñ basşısı bolğan kezde birneşe ret Qırğızstan men Qazaqstan arasındağı bauırlıq qatınastardı saqtauğa şaqırğan.

"The Qazaq Times"