قىرعىزستان بيلىگى "مەملەكەتكە ساتقىندىق جاسادى" دەگەن ايىپپەن ەكى ادامدى قاماۋعا الدى، ولاردىڭ بىرەۋى – قىرعىز رەسپۋبليكاسىنداعى قازاق دياسپوراسىنىڭ ەكس-باسشىسى مارات توكتوۋچيكوۆ. بۇل اقپاراتتى 15 cاۋىردە پەرۆىي ماي اۋداندىق سوتىنىڭ ءباسپاسوز قىزمەتىنە سىلتەمە جاساعان قىرعىزستاندىق Kabar.kg سايتى حابارلادى. 

سايت مالىمەتىنشە، قاماۋعا الىنعان ەكىنشى ادام – ساياساتتانۋشى مارات قازاقپاەۆ. ول 14 ءcاۋىر كۇنى  پەرۆىي ماي اۋداندىق سوتىنىڭ قاۋلىسىمەن ۇستالعان. سوت ساياساتتانۋشىنى 2021 جىلعى 14 ماۋسىمعا دەيىن قاماۋعا الۋ تۋرالى قاۋلى شىعارعان.  سوت شەشىمىنە ساي،  مارات توكتوۋچيكوۆ تە 2021 جىلدىڭ 13 ماۋسىمىنا دەيىن قاماۋدا وتىرادى.

قازاقباەۆتىڭ دا، توكتۋتوۋچيكوۆتىڭ دا مەملەكەتكە ناقتى قانداي ساتقىندىق جاساعانى ءالى بەلگىسىز.

قىرعىزستان مەملەكەتتىك ۇلتتىق قاۋىپسىزدىك كوميتەتىنىڭ حابارلاۋىنشا، ەلدەگى قولدانىستاعى زاڭعا ساي، كۇدىكتىلەرگە تاعىلعان ايىپ دالەلدەنسە،  ولار 10 جىل باس بوستاندىعىنان ايىرىلۋى مۇمكىن.

مارات توكتاۋچيكوۆ – قىرعىز رەسپۋبليكاسىنىڭ ازاماتى. ول قازاق دياسپوراسىنىڭ باسشىسى بولعان كەزدە بىرنەشە رەت قىرعىزستان مەن قازاقستان اراسىنداعى باۋىرلىق قاتىناستاردى ساقتاۋعا شاقىرعان.

"The Qazaq Times"