Körneki suret. Foto: zn.ua

Europalıq odaq jaqın arada M'yanma äskerileriniñ hunta müşelerine ekonomikalıq sankciyalar saladı. Bwl turalı Franciyanıñ Sırtqı ister ministri Jan-Iv Le Drian Wlttıq jinalısta mälimdedi.

«Euroodaq eki ay bwrın äskeri töñkeris bolğan M'yanmadağı ahualdı jiti baqılap otır. Sol kezden bastap eldegi jağday naşarladı. Qaytıs bolğandar sanı arttı. Mwnday repressiyada tek mälimdemelermen şekteluge bolmaydı. Franciya da, Europalıq odaq ta M'yanmadağı ükimettik bağdarlamalarğa barlıq kömekti toqtatadı. Franciya sonımen birge qazirgi qayğılı jağdayğa tap bolğan halıqqa kömek körsetudi qamtamasız etu üşin gumanitarlıq qauımdastıqtardıñ qoldauın küşeytedi», – dedi francuz ministri.

Franciyanıñ bastaması boyınşa Europalıq odaq hunta basşısın qosa alğanda, äskeri töñkeristiñ 11 wyımdastıruşısına qatıstı şaralar qabıldauda. Odaq deñgeyinde qabıldanğan ekonomikalıq sankciyalar M'yanma äskeri küşteriniñ ekonomikalıq müddelerine qarsı bağıttalğan.

Birma degen atpen de tanımal M'yanma 1 aqpan küngi äskeri töñkeristen keyin jäne azamattıq ükimet jetekşisi Aun San Su Çji qamalğannan soñ dağdarıstı ötkerip jatır. Äskeri bilikke qarsı şıqqandar ayausız basıp-janşılıp, sonıñ nätijesinde keminde 500 adam qaza boldı.

Halıqaralıq qauımdastıqtıñ qısımı jäne Batıs sankciyası huntanı bağıtınan taydıra almadı. BWW-nıñ M'yanma boyınşa arnayı uäkili äskeri töñkeristen keyin M'yanmadağı jağday azamattıq soğısqa wlasuı mümkin deydi.

"The Qazaq Times"