ەۋروپالىق وداق جاقىن ارادا ميانما اسكەريلەرىنىڭ حۋنتا مۇشەلەرىنە ەكونوميكالىق سانكتسيالار سالادى. بۇل تۋرالى فرانتسيانىڭ سىرتقى ىستەر ءمينيسترى جان-يۆ لە دريان ۇلتتىق جينالىستا مالىمدەدى.
«ەۋرووداق ەكى اي بۇرىن اسكەري توڭكەرىس بولعان ميانماداعى احۋالدى ءجىتى باقىلاپ وتىر. سول كەزدەن باستاپ ەلدەگى جاعداي ناشارلادى. قايتىس بولعاندار سانى ارتتى. مۇنداي رەپرەسسيادا تەك مالىمدەمەلەرمەن شەكتەلۋگە بولمايدى. فرانتسيا دا، ەۋروپالىق وداق تا ميانماداعى ۇكىمەتتىك باعدارلامالارعا بارلىق كومەكتى توقتاتادى. فرانتسيا سونىمەن بىرگە قازىرگى قايعىلى جاعدايعا تاپ بولعان حالىققا كومەك كورسەتۋدى قامتاماسىز ەتۋ ءۇشىن گۋمانيتارلىق قاۋىمداستىقتاردىڭ قولداۋىن كۇشەيتەدى»، – دەدى فرانتسۋز ءمينيسترى.
فرانتسيانىڭ باستاماسى بويىنشا ەۋروپالىق وداق حۋنتا باسشىسىن قوسا العاندا، اسكەري توڭكەرىستىڭ 11 ۇيىمداستىرۋشىسىنا قاتىستى شارالار قابىلداۋدا. وداق دەڭگەيىندە قابىلدانعان ەكونوميكالىق سانكتسيالار ميانما اسكەري كۇشتەرىنىڭ ەكونوميكالىق مۇددەلەرىنە قارسى باعىتتالعان.
بيرما دەگەن اتپەن دە تانىمال ميانما 1 اقپان كۇنگى اسكەري توڭكەرىستەن كەيىن جانە ازاماتتىق ۇكىمەت جەتەكشىسى اۋن سان سۋ چجي قامالعاننان سوڭ داعدارىستى وتكەرىپ جاتىر. اسكەري بيلىككە قارسى شىققاندار اياۋسىز باسىپ-جانشىلىپ، سونىڭ ناتيجەسىندە كەمىندە 500 ادام قازا بولدى.
حالىقارالىق قاۋىمداستىقتىڭ قىسىمى جانە باتىس سانكتسياسى حۋنتانى باعىتىنان تايدىرا المادى. بۇۇ-نىڭ ميانما بويىنشا ارنايى ۋاكىلى اسكەري توڭكەرىستەن كەيىن ميانماداعى جاعداي ازاماتتىق سوعىسقا ۇلاسۋى مۇمكىن دەيدى.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟