Reseydiñ äskeri äreketteri töñiregin ğana emes, Batıs Europa men Amerika Qwrama Ştattarın da alañdatuda. AQŞ tarabı Resey äskeri küşteriniñ Ukraina şekarasına jaqın mañda belsendi äreket etip jatqanın naqtı mälimet retinde alğa tartıp otır jäne osı mäsele boyınşa Mäskeudiñ tüsinikteme beruin talap etti.

Bärine belgili, onsız da AQŞ pen Resey qarım-qatınası eñ naşar küyde twrğan-dı. Reseydiñ äskeri belsendiligi eki el arasın odan arman alıstatıp äketti.   Ötken aptada ğana AQŞ prezidenti Jozef Bayden Ukraina prezidenti Zelenskiyge qoñırau şalğanda, Qwrama Ştattardıñ qoldaytının anıq bildirgen bolatın.

Zelenskiyge qoldau körsetip, Ukraina twtastığın saqtaudı qalaytın Qwrama Ştat ğana emes ekenin körip otırmız. Bayennen keyin Britan bas uäziri Boris Jonson, odan keyin NATO bas hatşısı Ynes Stoltnberg te Zelenskiymen telefonda söylesti. Olar da Ukraina jağdayına alañdaulı.

Mäskeudiñ mälimdemesi belgili, Resey äskeriniñ Ukraina şekarasına jaqın belsendi küyge tüsui körşi eldiñ qauipsizdigine qater töndiredi degendi teriske şığarıp otır. Bwl äreketin Resey tarabı qalıptı äskeri jattığulardıñ ayasında ekenin alğa tartuda.

Körip otırğanımızday, Reseydiñ äskeri belsendiligi tek Ukrainağa jaqın aumaqta ğana bolıp jatqan joq. Bwl äskeri äbiger küyge Ortalıq Aziyada wşırap otır. NATO men AQŞ qoldauı küşeygen Ukraina öziniñ äskeri strategiyasın jañartıp ülgerdi. YAğni, endi Ukraina wlttıq qauipsizdigine töngen tikeley qater retinde Reseydi aşıq ataydı. Bwğan qosa Reseydiñ bölşekteuine wşırağan Donbas pen Luansktı, Qırımdı qaytarıp aludı wlttıq strategiya retinde belgileuge jol aşadı. Osınıñ bäri Ortalıq Aziya elderge jaña talğam jasaytın uaqıttıñ kelgendigin körsetkendey.

“The Qazaq Times”