رەسەيدىڭ اسكەري ارەكەتتەرى توڭىرەگىن عانا ەمەس، باتىس ەۋروپا مەن امەريكا قۇراما شتاتتارىن دا الاڭداتۋدا. اقش تارابى رەسەي اسكەري كۇشتەرىنىڭ ۋكراينا شەكاراسىنا جاقىن ماڭدا بەلسەندى ارەكەت ەتىپ جاتقانىن ناقتى مالىمەت رەتىندە العا تارتىپ وتىر جانە وسى ماسەلە بويىنشا ماسكەۋدىڭ تۇسىنىكتەمە بەرۋىن تالاپ ەتتى.

بارىنە بەلگىلى، ونسىز دا اقش پەن رەسەي قارىم-قاتىناسى ەڭ ناشار كۇيدە تۇرعان-دى. رەسەيدىڭ اسكەري بەلسەندىلىگى ەكى ەل اراسىن ودان ارمان الىستاتىپ اكەتتى.   وتكەن اپتادا عانا اقش پرەزيدەنتى جوزەف بايدەن ۋكراينا پرەزيدەنتى زەلەنسكيگە قوڭىراۋ شالعاندا، قۇراما شتاتتاردىڭ قولدايتىنىن انىق بىلدىرگەن بولاتىن.

زەلەنسكيگە قولداۋ كورسەتىپ، ۋكراينا تۇتاستىعىن ساقتاۋدى قالايتىن قۇراما شتات عانا ەمەس ەكەنىن كورىپ وتىرمىز. بايەننەن كەيىن بريتان باس ءۋازىرى بوريس جونسون، ودان كەيىن ناتو باس حاتشىسى ينەس ستولتنبەرگ تە زەلەنسكيمەن تەلەفوندا سويلەستى. ولار دا ۋكراينا جاعدايىنا الاڭداۋلى.

ماسكەۋدىڭ مالىمدەمەسى بەلگىلى، رەسەي اسكەرىنىڭ ۋكراينا شەكاراسىنا جاقىن بەلسەندى كۇيگە ءتۇسۋى كورشى ەلدىڭ قاۋىپسىزدىگىنە قاتەر توندىرەدى دەگەندى تەرىسكە شىعارىپ وتىر. بۇل ارەكەتىن رەسەي تارابى قالىپتى اسكەري جاتتىعۋلاردىڭ اياسىندا ەكەنىن العا تارتۋدا.

كورىپ وتىرعانىمىزداي، رەسەيدىڭ اسكەري بەلسەندىلىگى تەك ۋكرايناعا جاقىن اۋماقتا عانا بولىپ جاتقان جوق. بۇل اسكەري ابىگەر كۇيگە ورتالىق ازيادا ۇشىراپ وتىر. ناتو مەن اقش قولداۋى كۇشەيگەن ۋكراينا ءوزىنىڭ اسكەري ستراتەگياسىن جاڭارتىپ ۇلگەردى. ياعني، ەندى ۋكراينا ۇلتتىق قاۋىپسىزدىگىنە تونگەن تىكەلەي قاتەر رەتىندە رەسەيدى اشىق اتايدى. بۇعان قوسا رەسەيدىڭ بولشەكتەۋىنە ۇشىراعان دونباس پەن لۋانسكتى، قىرىمدى قايتارىپ الۋدى ۇلتتىق ستراتەگيا رەتىندە بەلگىلەۋگە جول اشادى. وسىنىڭ ءبارى ورتالىق ازيا ەلدەرگە جاڭا تالعام جاسايتىن ۋاقىتتىڭ كەلگەندىگىن كورسەتكەندەي.

“The Qazaq Times”