Foto: VVS

Belarus'te bilikke qarsı ötken narazılıq akciyasında 400-den astam adam qamauğa alındı. Bwl turalı Belarus' Bas prokuraturası habarladı.

Prokuratura mälimdemesinde: «Qwqıq bwzuşılıq, qılmıs jasağan azamattardıñ barlığın jauapkerşilikke tartamız. Elde wlttıq jäne äleumettik qauipsizdikti, memleket pen qoğamnıñ damuın qamtamasız etu maqsatında qwqıq qorğau organdarınıñ jwmısı aldağı uaqıtta bwrınğıdan da qarqındı boladı», – delingen.

Qazir Belaru'ste täuilsiz jurnalister men wyımdardı tintu, mitingke şıqqan azamattardı tergeuge alu jalğasıp jatır. Bügin resmi tirkelmegen «Vesna» qwqıq qorğau ortalığında tergeu jwmıstarı bastalğan.

17 aqpannan bastap Belarus'te policiya ondağan jurnalist pen qwqıq qorğauşılarğa tintu jürgizip jatır. Qauipsizdik qızmetkerleri 2020 jılğı narazılıq şeruleriniñ şetelden qarjılandırılğandığı turalı dälel izdestirgen. Minskide olar Belarus' jurnalister qauımdastığınıñ basşılığına da tintu jürgizdi. Keyinnen policiya wyımnıñ keñsesine de bardı. Bwl täuelsiz wyım 1995 jılı Belarus' jurnalisteriniñ resmi Odağına qarsı qwrılğan.

9 tamız Belarus'te prezidenttik saylau ötti. Sol küni OSK Aleksandr Lukaşenkonıñ 80,10% dauıs jinap, jeñiske jetkenin habarladı. Saylau nätijelerin moyındaudan bas tartqan Svetlana Tihanovskaya kandidat retinde 10,12% dauıs jinağan. Dauıs beru qorıtındıları şığarılğannan keyin elde jappay narazılıq akciyaları bastaldı. İri qaqtığıstar kezinde policiya şeruge şıqqandarğa qarsı oq atıp, küşpen basıp-janşuğa tırıstı. Qazir Belarus'te jergilikti narazılıq akciyaları äli de jalğasuda.

"The Qazaq Times"