Foto: gol.ru

M'yanmada soñğı bir künde är qalada ötken narazılıq şaraları kezinde 38 adam qaza taptı . 80-ge juıq adam jaraqat alıp, jüzge juıq şeruşi qamaldı. Bwl turalı Sayasi twtqındarğa kömek qauımdastığı mälimdedi.

BWW M'yanmadağı bilikti basıp alğan äskerilerdiñ küş qoldauın ayıptap, qırğındı toqtatuğa şaqırdı. BWW mälimdemesinde: «Bas hatşı M'yanmadağı repressiyanı qatañ ayıptaydı. Beybit demonstranttarğa qarsı jauıngerlik qaru qoldanuğa jäne twtqındauğa jol berilmeui tiis. Osı rette BWW halıqaralıq qauımdastıqtı biriguge jäne äskeri qızmetkerlerge M'yanma halqın qwrmetteuin jäne repressiyanı toqtatuın talap etedi», – delingen.

1 aqpanda M'yanma äskerileri elde töñkeris jasap, biliktegi Aun San Su Çji men birneşe sayasatkerdi üyqamaqqa alğan. Äskeriler bıltır qaraşada ötken parlament saylauınıñ nätijesimen kelispegen edi. Bıltırğı saylauda Aung San Su Çji basqaratın Demokratiyaşılardıñ wlttıq ligası partiyası jeñimpaz dep tanılğan. Äskeriler saylau ädil ötpedi dep sanaydı.

Äskeriler 1962 jıldan beri bilikte otır. 2011 jılı halıqaralıq qısımnan keyin olar demokratiyağa birtindep köşuge kelisken. Esesine parlamenttegi orındardıñ 25%-ın saqtap, küştik qwrılımdardı baqılauında wstap qalğan.

"The Qazaq Times"