Amerika Qwrama Ştattarınıñ Auğanstan isi boyınşa arnayı ökili Zalmay Halizat Auğanstan men Katarğa saparlay barmaq. Onıñ saparınan keyin Auğanstan isinde özgerister boluı mümkin.

Auğanstan isi boyınşa AQŞ-tıñ arnayı ökili Zalmay Halizat Tramp kezinde «Talibanmen» kelissözdi jüzege asırğan twlğa. Degenmen, kelissöz mazmwndarına qatıstı Tramp ekeui arasında tüsinispeuşilik te bolğan. Biraq, Halizat AQŞ-tağı Auğanstan mäselesi boyınşa eñ bilgir sayasatkerlerdiñ biri.

Bwl retki saparında Halizat Auğanstan ükimeti men «Taliban» qozğalısı jetekşilerimen kezdesetini aytıluda. Onda Auğanstandağı işki dialog mäseleleri bastı taqırıp boluı mümkin.

AQŞ Mem. departamenti Halizattıñ Auğanstan jäne Katarğa jasaytın saparı turalı aşıq mälimet bergen joq. Tipti, onımen birge jüretin delegaciya qwramın da jariya etpedi.

Ayta keteyik, jıl basında, 6 qañtarda bastalğan Auğanstandağı işki dialog bastala sala taraptardıñ kelise almauınan toqtap qalğan. Bwl eldegi qarulı şabuıldar men qan tögisterdiñ sanın edäuir ösirip jiberdi. Halizattıñ saparınan keyin Auğanstandağı taraptar arasındağı qarım-qatınasta belgili deñgeyde özgerister bolatını boljanuda.

“The Qazaq Times”