Foto: https://interaffairs.ru

AQŞ Reseyge qarsı jaña ekonomikalıq sankciyalar paketin dayındap jatır. Bwl turalı VVS habarladı.

Aq üydiñ baspasöz hatşısı Djennifer Psaki sankciya tizimi aldağı aptalarda jariyalanatının ayttı. Bwğan deyin AQŞ Kreml' sınşısı Naval'nıydıñ ulanuınan keyin Reseyge qarsı qatañ şara qabıldaytının mälimdegen.

Osı jıldıñ qañtarında AQŞ barlau qoğamdastığınıñ ökilderi SolarWinds dep atalatın auqımdı kiberşabuıldıñ artında Resey biligi twruı mümkin degen qorıtındığa keldi. Kiberşabuıl toğız federaldı departamentke jäne jüzge juıq jeke kompaniyalarğa keri äser ketken. 18 mıñğa juıq sub'ektke şabuıl jasalğan.

SolarWinds kompaniyasınıñ Orion bağdarlamalıq jasaqtaması 2020 jılı naurızda şabuıl saldarınan isten şıqqan. Hakerler virus engizgennen keyin atalğan bağdarlamanı SolarWinds twtınuşıları, sonıñ işinde AQŞ memlekettik organdarı jäne 400-den astam iri kompaniyalar jüktegen jäne qoldanğan. Bwl turalı 2020 jıldıñ jeltoqsanında AQŞ Wlttıq barlau departamentiniñ, FBR jäne infraqwrılımdıq jäne kiberqauipsizdik Agenttiginiñ birlesken mälimdemesinde aytıldı. Sol kezde Memlekettik hatşı bolğan Mayk Pompeo «bwl şabuılğa Kreml'diñ tikeley qatısı bar» degen nwsqanı wsındı.

Qañtardıñ soñında AQŞ prezidenti Djo Bayden kez kelgen hakerlik şabuıldıñ artında Resey twruı mümkin degen. Al Mäskeu Vaşingtonnıñ bwl mälimdemesine jauap bergen joq.

"The Qazaq Times"