14 sağat bwrın Bayden Aq üyde mälimdeme jasadı. Foto: solt.it.

M'yanmadağı äskerilerdiñ bilikti basıp aluın bwğan deyin Amerika Qwrama Ştattarı ayıptağan bolatın. Bayden bir kün bwrın Aq üyde jasağan mälimdemesinde äskeri töñkeristi tağı bir märte ayıptadı jäne M'yanmağa qarata sankciyalar qabıldaytının ayttı.

«M'yanma äskerileri qarulı azamattıq bilikti qaytaruı kerek. Halıqtıñ tañdauı men bostandığın qwrmetteui tiis. Demokratiyalıq jolmen saylanğan bilik ökilderin erkindikke şığarıp, M'yanma halqınıñ tağdırın özine berui kerek», – dedi Bayden Min Aung bastağan äskerilerge qarata.

Aq üy jetekşisiniñ sözinşe Qarjı departamentine M'yanma äskerilerine qarsı sankciya saludı tapsırğanın, bwl sankciyalar elde azamattıq bilik qaytıp oralğanğa deyin jalğaspaq. «Biz M'yanma qarulı küşteriniñ äreketine jauap beretin qadam jasadıq. Äskeri jetekşiler, olardıñ biznes serikteri men otbası müşelerine sankciya salu turalı jarlıqqa qol qoydım», – dedi Bayden Aq üyde jasağan mälimdemesinde.

Osıdan keyin Aq üydiñ baspasöz ökili Sara hanımnıñ mälimdemesinde, M'yanmağa bağıttalğan sankciya el halqına bağıttalatın halıqaralıq gumanitarlıq kömekterge, medicina jäne azamattıq qoldau äreketterine kedergi keltirmeytinin aytqan.

“The Qazaq Times”