بايدەن ميانما اسكەريلەرىنە سانكتسيا سالاتىنىن مالىمدەدى

ميانماداعى اسكەريلەردىڭ بيلىكتى باسىپ الۋىن بۇعان دەيىن امەريكا قۇراما شتاتتارى ايىپتاعان بولاتىن. بايدەن ءبىر كۇن بۇرىن اق ۇيدە جاساعان مالىمدەمەسىندە اسكەري توڭكەرىستى تاعى ءبىر مارتە ايىپتادى جانە ميانماعا قاراتا سانكتسيالار قابىلدايتىنىن ايتتى.

«ميانما اسكەريلەرى قارۋلى ازاماتتىق بيلىكتى قايتارۋى كەرەك. حالىقتىڭ تاڭداۋى مەن بوستاندىعىن قۇرمەتتەۋى ءتيىس. دەموكراتيالىق جولمەن سايلانعان بيلىك وكىلدەرىن ەركىندىككە شىعارىپ، ميانما حالقىنىڭ تاعدىرىن وزىنە بەرۋى كەرەك»، – دەدى بايدەن مين اۋنگ باستاعان اسكەريلەرگە قاراتا.

اق ءۇي جەتەكشىسىنىڭ سوزىنشە قارجى دەپارتامەنتىنە ميانما اسكەريلەرىنە قارسى سانكتسيا سالۋدى تاپسىرعانىن، بۇل سانكتسيالار ەلدە ازاماتتىق بيلىك قايتىپ ورالعانعا دەيىن جالعاسپاق. «ءبىز ميانما قارۋلى كۇشتەرىنىڭ ارەكەتىنە جاۋاپ بەرەتىن قادام جاسادىق. اسكەري جەتەكشىلەر، ولاردىڭ بيزنەس سەرىكتەرى مەن وتباسى مۇشەلەرىنە سانكتسيا سالۋ تۋرالى جارلىققا قول قويدىم»، – دەدى بايدەن اق ۇيدە جاساعان مالىمدەمەسىندە.

وسىدان كەيىن اق ءۇيدىڭ ءباسپاسوز وكىلى سارا حانىمنىڭ مالىمدەمەسىندە، ميانماعا باعىتتالعان سانكتسيا ەل حالقىنا باعىتتالاتىن حالىقارالىق گۋمانيتارلىق كومەكتەرگە، مەديتسينا جانە ازاماتتىق قولداۋ ارەكەتتەرىنە كەدەرگى كەلتىرمەيتىنىن ايتقان.

“The Qazaq Times”