Belarus' prezidenti Aleksandr Lukaşenko. Suret körnekilik üşin (https://zn.ua)

Aleksandr Lukaşenko «2020 jıl äskeriler men şekaraşılar üşin auır bolğanın jäne Belarus' biligi bwl sınaqtan sätti ötkenin» ayttı.

Lukaşenkonıñ BelTA agenttiginde jariyalanğan mälimdemesinde: «Ötken jıl bärimiz üşin, äsirese sarbazdar men şekara küzetkender üşin sınaq, äri tekseris boldı. Ayta ketu kerek, biz bwl tekseruden öttik: şekara äskerleri özderiniñ negizgi bağıttarı boyınşa basqa küş qwrılımdarına qarağanda äldeqayda jaqsı jwmıs istedi. Batısta biz tek Belarus'ti ğana emes, odaqtas memlekettiñ şekarasın da qorğaymız. Sondıqtan biz memlekettik şekaranı qorğauğa ülken köñil bölemiz», – delingen.

Lukaşenko memlekettik şekaranı qorğaudıñ tiimdiligin arttıru boyınşa jwmıs jalğasatının ayttı. Osı maqsatta jaña şekara beketteri men manevrlik toptardıñ sanı artqan.

Memleket basşısı zañsız köşi-qonğa, esirtki trafigine, kontrabandağa, terroristik qaterlerge qarsı kürestegi oñ nätijelerdi de atap ötti.sonımen qatar, «Europanıñ soñğı diktatorı» atanğan Lukşenko «Meniñ bwyrıqtarımdı äskeriler joğarı deñgeyde orındadı» – dep Belarus' sarbazdarına rizaşılığın bildirdi.

Belarus'ter 9 tamızdağı daulı saylaudan keyin jappay narazılıq tanıta bastağan. Bilik ayausız basıp-janşısa da, ükimetke qarsılıq basılmaq emes. 66 jastağı Lukaşenkoğa halıqaralıq qısım da küşeyip keledi. Batıs elderi, onıñ işinde AQŞ, Kanada men Europa Odağı Lukaşenkonı Belarus'tiñ zañdı prezidenti dep tanudan bas tartıp, oğan jäne joğarı şendi şeneunikterge saylaudı bwrmaladı jäne demonstranttardı quğınğa wşıratıp otır dep sankciya salğan.

Human Rights Watch wyımınıñ 2021 jılğı esebi boyınşa, Belarus' policiyası qaraşanıñ ortasına deyin 25 mıñnan astam adamdı wstağan. Mwnımen qatar, Belarus' biligi «sayasi oppozicionerlerge, narazılıq tanıtuşılar men olardıñ jaqtastarına, azamattıq belsendiler men qwqıq qorğauşılarğa qarsı sayasi astarı bar jüzdegen qılmıstıq is qozğağan».

"The Qazaq Times"