Armeniyanıñ territoriyalıq twtastığı Iran üşin asa mañızdı. Bwnday mälimdemeni Iran SİM basşısı Mahmwd Jevad Zarif Armeniyadağı saparı kezinde jasadı. Ol Iran Armeniyanıñ jäne öñirdegi özge de elderdiñ täuelsizdigi men territoriyalıq twtastığınıñ saqtaluın qoldaytının jetkizgen.

Tehran (Tegeran) öñirlik strategiyalıq qadamdarın alğa jıljıtuğa äreket etude. Bwl rette Iran sırtqı ister ministri Zarif osı maqsatta birqatar körşi elderge sapar üstinde. Äzirbayjan men Resey saparınan keyin Zarif Armeniyada boldı, aldağı sapar josparında Gruziya men Türkiya twr.

Baku saparında Zarif: «Bauırlas äzirbayjandardıñ öz territoriyaların qaytarıp alğanın qwttıqtaymız», – dep mälimdegen bolatın. Al, Erevan saparında: «Armeniyanıñ territoriyalıq twtastığı – Irannıñ qızıl sızığı», – degen pikirin ayttı. Ol sonday-aq, Armeniyanı Irannıñ mañızdı körşisi dep bağalağan.

Iran Armeniyanıñ törtinşi ekonomikalıq seriktesi sanaladı. Alayda, Äzirbayjan da Iran üşin asa joğarı strategilyaıq mañızğa ie körşisi. Oñtüstik Kavkazda Tehrannıñ strategiyalıq müddeleri köp. Bwl aymaqta Reseyden tıs Türkiya men Iran öziniñ ıqpalın arttırğısı keledi. Taulı Qarabaq qaqtığısınan keyin aymaqta Reseydiñ ıqpalı birşama älsirep, Türkiya öziniñ birqatar maqsattarına qol jetkize aldı. Iran Taulı Qarabaq janjalı kezinde jiberip alğan mümkindikteriniñ ornın toltıruğa äreket etude.

“The Qazaq Times”