ارمەنيانىڭ تەرريتوريالىق تۇتاستىعى يران ءۇشىن اسا ماڭىزدى. بۇنداي مالىمدەمەنى يران ءسىم باسشىسى ماحمۇد جەۆاد زاريف ارمەنياداعى ساپارى كەزىندە جاسادى. ول يران ارمەنيانىڭ جانە وڭىردەگى وزگە دە ەلدەردىڭ تاۋەلسىزدىگى مەن تەرريتوريالىق تۇتاستىعىنىڭ ساقتالۋىن قولدايتىنىن جەتكىزگەن.

تەھران (تەگەران) وڭىرلىك ستراتەگيالىق قادامدارىن العا جىلجىتۋعا ارەكەت ەتۋدە. بۇل رەتتە يران سىرتقى ىستەر ءمينيسترى زاريف وسى ماقساتتا بىرقاتار كورشى ەلدەرگە ساپار ۇستىندە. ءازىربايجان مەن رەسەي ساپارىنان كەيىن زاريف ارمەنيادا بولدى، الداعى ساپار جوسپارىندا گرۋزيا مەن تۇركيا تۇر.

باكۋ ساپارىندا زاريف: «باۋىرلاس ءازىربايجانداردىڭ ءوز تەرريتوريالارىن قايتارىپ العانىن قۇتتىقتايمىز»، – دەپ مالىمدەگەن بولاتىن. ال، ەرەۆان ساپارىندا: «ارمەنيانىڭ تەرريتوريالىق تۇتاستىعى – يراننىڭ قىزىل سىزىعى»، – دەگەن پىكىرىن ايتتى. ول سونداي-اق، ارمەنيانى يراننىڭ ماڭىزدى كورشىسى دەپ باعالاعان.

يران ارمەنيانىڭ ءتورتىنشى ەكونوميكالىق سەرىكتەسى سانالادى. الايدا، ءازىربايجان دا يران ءۇشىن اسا جوعارى ستراتەگيلياىق ماڭىزعا يە كورشىسى. وڭتۇستىك كاۆكازدا تەھراننىڭ ستراتەگيالىق مۇددەلەرى كوپ. بۇل ايماقتا رەسەيدەن تىس تۇركيا مەن يران ءوزىنىڭ ىقپالىن ارتتىرعىسى كەلەدى. تاۋلى قاراباق قاقتىعىسىنان كەيىن ايماقتا رەسەيدىڭ ىقپالى ءبىرشاما السىرەپ، تۇركيا ءوزىنىڭ بىرقاتار ماقساتتارىنا قول جەتكىزە الدى. يران تاۋلى قاراباق جانجالى كەزىندە جىبەرىپ العان مۇمكىندىكتەرىنىڭ ورنىن تولتىرۋعا ارەكەت ەتۋدە.

“The Qazaq Times”