AQŞ-tıñ bwrınğı prezidenti Donal'd Tramp. Foto: cdn.iz

AQŞ Kongresiniñ tömengi palatasınıñ ökilderi eks-prezident Donal'd Trampqa impiçment jariyalau turalı qarardı Senatqa tapsırdı. Tikeley translyaciya zañ şığaruşı organnıñ saytında jürgizildi.

Negizinen impiçment procesi 8 aqpannan keyin bastaladı. Otırıstar barısında impiçment menedjerleri atalatın Ökilder palatasınıñ müşeleri ayıptauşılar, al senatorlar alqabiler retinde talqılaydı. Procestiñ törağası – senator, demokrat Patrik Lihi. Rezolyuciyanı bir ğana babı bar. Ol – twrğındardı qaqtığıs wyımdastıruğa arandatu.

CNN telearnasınıñ habarlauınşa, eger impiçment qazirgi prezidentke jariyalansa, AQŞ zañına säykes Joğarğı sot basşısı Djon Roberts törağa bolar edi. Ol Tramptıñ alğaşqı impiçmentiniñ procesinde törağa bolğan. Alayda, Tramptıñ prezidenttik ökilettigi 20 qañtarda ayaqtalğanın eskere otırıp, AQŞ tarihında twñğış ret törağanıñ röli zañ şığaruşığa jüktelgen.

13 qañtarda Demokratiyalıq partiyanıñ baqılauındağı Ökilder palatası Trampqa impiçment jariyalau turalı qarardı maqwldadı. 2019 jılı da Tramptı qızmetinen ketiru procesi bolğan. Biraq Senat 2020 jıldıñ basında prezidentti aqtadı.

Bwl jolı impiçment räsimi Tramptıñ 6 qañtarda jasağan mälimdemesine baylanıstı bastalıp otır. Sol küni Uaşingtonda Tramptı qoldau üşin mıñdağan narazılar Kapitoliyge basıp kirdi. Saldarınan iri qaqtığıstar orın alıp, tört adam qaza taptı.

Qazir demokrattar eldiñ zañ şığaruşı organınıñ joğarğı palatasındağı 50 orındı basqaradı. Respublikaşıldardıñ sanı da şamalas. Alayda, qazir vice-prezident qızmetin Kamala Harris atqaratındıqtan, onıñ partiyaları avtomattı türde artıqşılıqqa ie.

Eger Donal'd Trampqa impiçment jariyalau maqwldansa, ol joğarı lauazım atqarudan şettetiledi.

"The Qazaq Times"