Policiya kapitanı, basqarma bastığınıñ birinşi orınbasarı Maylıqbaev Däuren Amanjolwlı oqiğa keyipkeri bolğan tilşilerdiñ közinşe eşkimdi wstamağanın aytadı. Ol qwqıq qorğauşı jurnalisterdiñ jolın nelikten bögegenin tüsindirmedi. Foto: 10 qañtar 2021 jıl. Foto: QT

Policiya Almatı qalasındağı Adam qwqıqtarı men zañdılıqtı saqtau jönindegi Qazaqstan halıqaralıq byurosınıñ jurnalisteri men qwqıq qorğauşısınıñ keşki ayazda Abay jäne bwrınğı Furmanov dañğılınıñ qiılısında eki sağat boyı jolın bögep, jüruine kedergi jasadı.

Redakciya tilşileri oqiğa ornına barıp, jağdaydı közimen kördi. Inga Imanbay, Andrey Sviridov jäne Esdäulet Qızırbekwlınıñ aldınan bir top policey şığıp, emin-erkin jürip-twruın şektegen.

Imanbaydıñ aytuınşa, jeti sağattan astam arnayı jasaqtıñ qorşauında bolğan Dempartiya bastamaşıl tobına as-su alıp barmaq bolğan. Jol-jönekey on şaqtı policey izine tüskenin aytadı. Olarğa tärtip saqşısı policiya köligine otıru jöninde talap qoyğan.

Birneşe sağat policiyanıñ baqılauında bolğan Adam qwqıqtarı men zañdılıqtı saqtau jönindegi qazaqstan halıqaralıq byurosınıñ jurnalisteri Inga Imanbay men Andrey Sviridov. Almatı qalası. 10 qañtar 2021 jıl. Foto: QT

 «Meniñ bala-şağam bar, üyge barayın desem, eki sağattan beri bizdi jibermey twr. Ne mitingtegi adamdarğa baruğa jibermeydi, ne taksi wstayın desek oğan mwrsat bermeydi. Tek qızmettik kölikke otırasıñdar dep jibermey twr edi, endi sender kelgesin jiberip twr. ...Men wstalğanmın ba desem, joq deydi. Biraq kölik wstayın desem, aldımızdan bögeuge tırıstı», – deydi Inga Imanbay.

«Povestkamen bolmasa, policiya köligine jaydan-jay principti türde otırmaymın» degen qwqıq qorğauşı-jurnalist küştik qwrılım ökilderiniñ bwl äreketin jeke qwqığına qol swğu dep sanaydı.

Policiya kapitanı, basqarma bastığınıñ birinşi orınbasarı Maylıqbaev Däuren Amanjolwlı eşkimdi wstap twrmağanın aytıp, basın alıp qaşuğa tırıstı.

Poiciya Adam qwqıqtarı men zañdılıqtı saqtau jönindegi qazaqstan halıqaralıq byurosınıñ jurnalisterin mına kölikke otıruğa ügittegen. 10 qañtar 2021 jıl. Foto: QT

Biraq junalisterdiñ közinşe «Wstap twrğamız joq, jiberip jatırmız ğoy. Bilmedim, minekey, barsın. Eşqanday hattama toltırılğan joq. Barsın baratın jerine. Basqa swraqtar boyınşa baspasöz qızmetine jüginiñiz», – dep qısqa qayırdı.

Sağat 19.00-ge qaray kölikke otırıp ketken tilşilerdiñ izinşe bir top policey qızmettik kölikpen ketip qaldı.

Oqiğa ornına redakciya tilşileri kelgen boyda bir top policey äriptesterimizdi bosattı. 10 qañtar 2021 jıl. Foto: QT

Prezident Toqaev saylau küngi sözinde narazılarğa qarsı «repressiyalıq şaralarğa jol berilmeytinin» aytqan. Degenmen jeksenbi küni tek beybit mitingke jinalğandardan bölek, saylau barısın baqılauğa ıntalı täuelsiz bayqauşılar men BAQ ökilderine ärtürli qısım jasaldı.

"The Qazaq Times"