Wlıbritnaiya prem'er-minisri Boris Djonson. Foto: https://nv.ua

Koronavirustıñ mutaciyağa wşırağan türiniñ tez taraluına baylanıstı Wlıbritaniyada jalpıwlttıq lokdaun engizildi. Keşe Wlıbritaniyada 60 mıñğa juıq koronavirus jağdayı tirkelip, virus jwqtırudıñ täuliktik körsetkişi pandemiya bastalğalı rekordtıq körsetkişke jetken. Jetinşi kün qatarınan kün sayın 50 mıñday adam indettiñ ilmegine ilinse, soñğı täuliktiñ özinde 407 nauqas COVID-19-dıñ qwrbanı bolğan. 

Jaña zañ boyınşa büginnen bastap jergilikti halıq jaña tärtipke bağınuları kerek. Azıq-tülik önimderin satıp aluğa, sportpen aynalısuğa ğana sırtqa şığuğa rwqsat etiledi. Basqa uaqıtta üyde otıru mindetteledi. Barlıq mektepter men kolledjder onlayn-oquğa köşedi.

Osığan baylanıstı mälimdeme jasağan Wlıbritaniya prem'er-ministri Boris Djonson: «Bir anığı vakcina tolıq egilmeyinşe, biz birige otırıp, äreket etuimiz kerek. Sondıqtan Angliyada jalpıwlttıq qatañ lokdaun jariyalauğa mäjbürmiz. Sol kezde ğana virustıñ jaña türin toqtata alamız», – deydi.

Prem'er-ministrdiñ pikirinşe, koronavirustıñ mutaciyağa wşırağan türi öte jıldam tarap keledi. Wlttıq densaulıq saqtau qızmeti nauqastarğa em-dom körsetip ülgermey jatır. Aldağı 21 kün işinde keybir aymaqtardağı auruhanalarda bos orındar bolmauı mümkin. Angliyada soñğı aptanıñ özinde emdelip jatqan nauqastardıñ sanı üş esege artqan. Bwl säuirde bolğan birinşi tolqınmen salıstırğanda 40 %-ğa köp. Qoğamdıq pikirdi zertteumen aynalısatın YouGov kompaniyasınıñ mälimetinşe, britaniyalıqtardıñ 79 %-ı jaña lokdaundı qoldaydı.

Jeltoqsannıñ ayağında Wlıbritaniyada şıqqan koronavirustıñ özgergen jaña türi Niderland, Daniya jäne Avstraliyada da tirkeldi. Mälimetter boyınşa, virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Angliyanıñ bas därigeri, professor Kris Uitti Düniejüzilik densaulıq saqtau wyımına eskertu jibergenin jäne şwğıl zertteu jasalıp jatqanın jetkizdi. Virustıñ basqa mutaciyasınıñ tabılğanın Oñtüstik Afrika Respublikasınıñ Densaulıq saqtau ministrligi de habarladı. Onıñ da taralu qarqını joğarı.

Bwl habardan keyin 20-dan astam memleket Wlıbritaniyamen äue baylanısın uaqıtşa toqtattı. Olardıñ qatarında Kanada, Europanıñbiröatar elderi jäne Latın Amerikası bar. Sonımen qatar Franciya barıs-kelistiñ barlıq türine, al Bel'giya Wlıbritaniyamen temirjol qatınasına tıyım saldı. Bwdan bölek, Niderland su jolın jabatının eskertti.

20 jeltoqsanda Wlıbritaniya Angliyanıñ oñtüstik-batısı men Londonda törtinşi deñgeyli lokdaun engizgen. Qatañdatılğan karantin kezinde Rojdestvo merekesine baylanıstı qoğamdıq is-şaralarğa rwqsat joq. Meyramhanalar men dämhanalar aşılmaydı. Twrğındarğa üyden sebepsiz şığuğa tıyım salınğan.

"The Qazaq Times"