كوروناۆيرۋستىڭ مۋتاتسياعا ۇشىراعان ءتۇرىنىڭ تەز تارالۋىنا بايلانىستى ۇلىبريتانيادا جالپىۇلتتىق لوكداۋن ەنگىزىلدى. كەشە ۇلىبريتانيادا 60 مىڭعا جۋىق كوروناۆيرۋس جاعدايى تىركەلىپ، ۆيرۋس جۇقتىرۋدىڭ تاۋلىكتىك كورسەتكىشى پاندەميا باستالعالى رەكوردتىق كورسەتكىشكە جەتكەن. جەتىنشى كۇن قاتارىنان كۇن سايىن 50 مىڭداي ادام ىندەتتىڭ ىلمەگىنە ىلىنسە، سوڭعى تاۋلىكتىڭ وزىندە 407 ناۋقاس COVID-19-دىڭ قۇربانى بولعان.
جاڭا زاڭ بويىنشا بۇگىننەن باستاپ جەرگىلىكتى حالىق جاڭا تارتىپكە باعىنۋلارى كەرەك. ازىق-تۇلىك ونىمدەرىن ساتىپ الۋعا، سپورتپەن اينالىسۋعا عانا سىرتقا شىعۋعا رۇقسات ەتىلەدى. باسقا ۋاقىتتا ۇيدە وتىرۋ مىندەتتەلەدى. بارلىق مەكتەپتەر مەن كوللەدجدەر ونلاين-وقۋعا كوشەدى.
وسىعان بايلانىستى مالىمدەمە جاساعان ۇلىبريتانيا پرەمەر-ءمينيسترى بوريس دجونسون: «ءبىر انىعى ۆاكتسينا تولىق ەگىلمەيىنشە، ءبىز بىرىگە وتىرىپ، ارەكەت ەتۋىمىز كەرەك. سوندىقتان انگليادا جالپىۇلتتىق قاتاڭ لوكداۋن جاريالاۋعا ءماجبۇرمىز. سول كەزدە عانا ۆيرۋستىڭ جاڭا ءتۇرىن توقتاتا الامىز»، – دەيدى.
پرەمەر-ءمينيستردىڭ پىكىرىنشە، كوروناۆيرۋستىڭ مۋتاتسياعا ۇشىراعان ءتۇرى وتە جىلدام تاراپ كەلەدى. ۇلتتىق دەنساۋلىق ساقتاۋ قىزمەتى ناۋقاستارعا ەم-دوم كورسەتىپ ۇلگەرمەي جاتىر. الداعى 21 كۇن ىشىندە كەيبىر ايماقتارداعى اۋرۋحانالاردا بوس ورىندار بولماۋى مۇمكىن. انگليادا سوڭعى اپتانىڭ وزىندە ەمدەلىپ جاتقان ناۋقاستاردىڭ سانى ءۇش ەسەگە ارتقان. بۇل ساۋىردە بولعان ءبىرىنشى تولقىنمەن سالىستىرعاندا 40 %-عا كوپ. قوعامدىق پىكىردى زەرتتەۋمەن اينالىساتىن YouGov كومپانياسىنىڭ مالىمەتىنشە، بريتانيالىقتاردىڭ 79 %-ى جاڭا لوكداۋندى قولدايدى.
جەلتوقساننىڭ اياعىندا ۇلىبريتانيادا شىققان كوروناۆيرۋستىڭ وزگەرگەن جاڭا ءتۇرى نيدەرلاند، دانيا جانە اۆستراليادا دا تىركەلدى. مالىمەتتەر بويىنشا، ۆيرۋستىڭ جاڭا شتامى ادامدار اراسىندا 70%-عا تەز تارايدى. بىراق قاۋىپتىلىگى جاعىنان بۇرىنعى تۇرىنەن ەرەكشەلەنبەيدى. انگليانىڭ باس دارىگەرى، پروفەسسور كريس ۋيتتي دۇنيەجۇزىلىك دەنساۋلىق ساقتاۋ ۇيىمىنا ەسكەرتۋ جىبەرگەنىن جانە شۇعىل زەرتتەۋ جاسالىپ جاتقانىن جەتكىزدى. ۆيرۋستىڭ باسقا مۋتاتسياسىنىڭ تابىلعانىن وڭتۇستىك افريكا رەسپۋبليكاسىنىڭ دەنساۋلىق ساقتاۋ مينيسترلىگى دە حابارلادى. ونىڭ دا تارالۋ قارقىنى جوعارى.
بۇل حاباردان كەيىن 20-دان استام مەملەكەت ۇلىبريتانيامەن اۋە بايلانىسىن ۋاقىتشا توقتاتتى. ولاردىڭ قاتارىندا كانادا، ەۋروپانىڭبىرواتار ەلدەرى جانە لاتىن امەريكاسى بار. سونىمەن قاتار فرانتسيا بارىس-كەلىستىڭ بارلىق تۇرىنە، ال بەلگيا ۇلىبريتانيامەن تەمىرجول قاتىناسىنا تىيىم سالدى. بۇدان بولەك، نيدەرلاند سۋ جولىن جاباتىنىن ەسكەرتتى.
20 جەلتوقساندا ۇلىبريتانيا انگليانىڭ وڭتۇستىك-باتىسى مەن لوندوندا ءتورتىنشى دەڭگەيلى لوكداۋن ەنگىزگەن. قاتاڭداتىلعان كارانتين كەزىندە روجدەستۆو مەرەكەسىنە بايلانىستى قوعامدىق ءىس-شارالارعا رۇقسات جوق. مەيرامحانالار مەن ءدامحانالار اشىلمايدى. تۇرعىندارعا ۇيدەن سەبەپسىز شىعۋعا تىيىم سالىنعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟