AQŞ prezidenti Donal'd Tramp. Foto: ERA

AQŞ prezidenti Donal'd Tramp Kongres maqwldağan äskeri byudjet jobasına veto qoydı.

Zañ şığaruşı organnıñ tömengi palatasına joldanğan habarlamada: «Men 2021 jılğa arnalğan äskeri byudjet jobasın maqwldamaymın. Äskeri byudjet qwjatınıñ Amerika qauipsizdigi üşin mañızı joğarı. Ökinişke oray, qwjat wlttıq qauipsizdiktiñ mañızdı erejelerin qamtımaydı. Qwjattağı köptegen erejeler AQŞ-tıñ Wlttıq qauipsizdik pen sırtqı sayasatına qayşı keledi. Bwl – Qıtay men Reseyge sıylıq», – delingen.

Prezident 1996 jılğı «Baylanıs etikası turalı» Zañnıñ 230-bölimin joyudı da talap etip otır. Tramptıñ aytuışa, «230-bölim jelide şeteldik jalğan aqparattıñ taraluına ıqpal etedi. Al bwl wlttıq qauipsizdik pen saylaudıñ adaldığına ülken qauip töndiredi».

Qwjattıñ bwğattaluına tağı bir sebep – Azamattıq soğıs kezeñindegi (1861-1865) konfederativti Ştattardağı ardagerlerdiñ esimin äskeri nısandarğa beru jäne Oñtüstiktegi qwldıq turalı derekterdi joyu. Osı eki tarmaqqa baylanıstı Tramp: «Sayasi äreketter arqılı tarihtı joqqa şığaruğa jol bermeymin», – degen.

Aq üy basşısı, sonımen qatar, Auğanstandağı, Koreya Respublikasındağı jäne Germaniyadağı AQŞ äskerlerin azaytu turalı tarmaqtı da qwptamaydı. «Köptegen erejeler meniñ äkimşiligimniñ sırtqı sayasatına, atap aytqanda sarbazdardı elge qaytaru äreketterine tikeley qayşı keledi», – dedi Tramp.

"The Qazaq Times"