АҚШ президенті Дональд Трамп. Фото: ЕРА

АҚШ президенті Дональд Трамп Конгрес мақұлдаған әскери бюджет жобасына вето қойды.

Заң шығарушы органның төменгі палатасына жолданған хабарламада: «Мен 2021 жылға арналған әскери бюджет жобасын мақұлдамаймын. Әскери бюджет құжатының Америка қауіпсіздігі үшін маңызы жоғары. Өкінішке орай, құжат ұлттық қауіпсіздіктің маңызды ережелерін қамтымайды. Құжаттағы көптеген ережелер АҚШ-тың Ұлттық қауіпсіздік пен сыртқы саясатына қайшы келеді. Бұл – Қытай мен Ресейге сыйлық», – делінген.

Президент 1996 жылғы «Байланыс этикасы туралы» Заңның 230-бөлімін жоюды да талап етіп отыр. Трамптың айтуыша, «230-бөлім желіде шетелдік жалған ақпараттың таралуына ықпал етеді. Ал бұл ұлттық қауіпсіздік пен сайлаудың адалдығына үлкен қауіп төндіреді».

Құжаттың бұғатталуына тағы бір себеп – Азаматтық соғыс кезеңіндегі (1861-1865) конфедеративті Штаттардағы ардагерлердің есімін әскери нысандарға беру және Оңтүстіктегі құлдық туралы деректерді жою. Осы екі тармаққа байланысты Трамп: «Саяси әрекеттер арқылы тарихты жоққа шығаруға жол бермеймін», – деген.

Ақ үй басшысы, сонымен қатар, Ауғанстандағы, Корея Республикасындағы және Германиядағы АҚШ әскерлерін азайту туралы тармақты да құптамайды. «Көптеген ережелер менің әкімшілігімнің сыртқы саясатына, атап айтқанда сарбаздарды елге қайтару әрекеттеріне тікелей қайшы келеді», – деді Трамп.

"The Qazaq Times"