Qızılorda oblısınıñ bwrınğı äkimi Quanışbek Isqaqov. Foto: ruh.kz

Qızılorda oblısınıñ bwrınğı äkimi Quanışbek Isqaqov jeti jılğa bas bostandığınan ayırıldı. Bwl derekti 10 jeltoqsanda aqparat qwraldarı habarladı. Köktem aylarında Isqaqovtıñ «Alayaqtıq» babı boyınşa küdikke ilingeni habarlanğan edi.

Aqparat agenttikteriniñ jazuınşa, onıñ eki orınbasarı ärqaysısı – 6 jılğa, qılmıstıq is ayasında ayıp tağılğan tağı eki käsipkerdiñ ärqaysısı 5 jılğa sottalğan. Olarğa türme jazası berilgen.

Qızılorda qalalıq №2 sotınıñ sud'yası Abdullajan Saydullaevtıñ tüsindirmesin aqparat qwralı jariyaladı.

«Bastı sot talqılauında sottaluşı Q.Isqaqovtıñ jauaptı memlekettik lauazımdı atqaratın adam bola twra, öziniñ qızmettik ökilettigin qızmet babın paydalanumen wştastıra otırıp, bir top adammen aldın ala söz baylasıp, asa iri mölşerde bötenniñ mülkin jımqırğanı anıqtalğan. Al, bwrınğı äkimniñ orınbasarları sottaluşılar M.Imandosov jäne M.Delmwhanov jauaptı memlekettik lauazımdı atqaratın adam bola twra, öziniñ qızmettik ökilettigin qızmet babın paydalanumen wştastıra otırıp, sottaluşılar J.Isqaqov jäne A.Dosmayılovtar sottaluşı Q.Isqaqovpen bir top adam aldın ala söz baylasuı arqılı bötenniñ mülkin jımqıruğa, onı jasauğa kedergilerdi joyuğa kömektesken», – deydi sud'ya.

Biıl naurız ayında Quanışbek Isqaqovtıñ «Alayaqtıq» babı boyınşa küdikke ilinip, üyqamaqqa qamalğan.

Quanışbek Isqaqov 2019 jılı mausım ayında Qızılorda oblısınıñ äkimi lauazımına tağayındalğan. Oğan deyin üş jarım jıldan astam sol kezdegi oblıs äkimi Qırımbek Köşerbaevtıñ orınbasarı bolıp, ekonomika, qarjı, eñbek jäne halıqtı äleumettik qorğau salasın basqarğan.

28 naurızda Gülşara Äbdihalıqova prezident jarlığımen Qızılorda oblısınıñ äkimi bolıp tağayındalğan.

"The Qazaq Times"