Amerika Qwrama Ştattarındağı prezident saylauınıñ resmi küni ayaqtalıp, dauıs sanı sanaluda. Eldiñ şığıs jäne batıs öñirindegi ştattarda demokrattardıñ ümitkeri Jo Bayden alğa şıqtı.

Osıdan eki sağat bwrın Jo Bayden AQŞ-tağı 538 saylauşınıñ 208-inen qoldau alıp, Tramptan oq boyı ozıp şıqqan bolatın. Alayda, Tehas pen Oñtüstik Karolina ştattarındağı dauıs beru nätijesi jariya bolğannan keyin Tramp parıqtı qısqarttı.

Däl qazir ştattardağı 538 saylauşınıñ 224-i Baydendi, 213-i Tramptı qoldap şıqtı. Tramptıñ jeñiske jetken ştattar sanı köp bolğanımen, saylauşılar men twrğındar sanı jağınan qazirşe Bayden jeñiske jetken 19 ştat basım twr.

Äli de dauıs beru nätijesi anıq bolmağan Pensil'vaniya, Miçigan, Viskonsin, Soltüstik Kalorina, Djordjiya, Alyaska, Men, Arizona, Nevada  ştattarı qaldı. Bwlardıñ arasında Arizona men Nvada ştattarında ğana Baydenniñ bäsi basım. Özge iri ştattarda Tramp alda kele jatır.

“The Qazaq Times”