امەريكا قۇراما شتاتتارىنداعى پرەزيدەنت سايلاۋىنىڭ رەسمي كۇنى اياقتالىپ، داۋىس سانى سانالۋدا. ەلدىڭ شىعىس جانە باتىس وڭىرىندەگى شتاتتاردا دەموكراتتاردىڭ ۇمىتكەرى جو بايدەن العا شىقتى.

وسىدان ەكى ساعات بۇرىن جو بايدەن اقش-تاعى 538 سايلاۋشىنىڭ 208-ىنەن قولداۋ الىپ، ترامپتان وق بويى وزىپ شىققان بولاتىن. الايدا، تەحاس پەن وڭتۇستىك كارولينا شتاتتارىنداعى داۋىس بەرۋ ناتيجەسى جاريا بولعاننان كەيىن ترامپ پارىقتى قىسقارتتى.

ءدال قازىر شتاتتارداعى 538 سايلاۋشىنىڭ 224-ءى بايدەندى، 213-ءى ترامپتى قولداپ شىقتى. ترامپتىڭ جەڭىسكە جەتكەن شتاتتار سانى كوپ بولعانىمەن، سايلاۋشىلار مەن تۇرعىندار سانى جاعىنان قازىرشە بايدەن جەڭىسكە جەتكەن 19 شتات باسىم تۇر.

ءالى دە داۋىس بەرۋ ناتيجەسى انىق بولماعان پەنسيلۆانيا، ميچيگان، ۆيسكونسين، سولتۇستىك كالورينا، دجوردجيا، الياسكا، مەن، اريزونا، نەۆادا  شتاتتارى قالدى. بۇلاردىڭ اراسىندا اريزونا مەن نۆادا شتاتتارىندا عانا بايدەننىڭ ءباسى باسىم. وزگە ءىرى شتاتتاردا ترامپ الدا كەلە جاتىر.

“The Qazaq Times”